ދެހާސް ނަވާރަވަނަ އަހަރުގެ ތެރޭގައި ވަގުތީ ގޮތުން ބަންދުކުރި އައިޖީއެމްއެޗް މިސްކިތް މަރާމާތު ކުރުމަށްފަހު އަލުން ހުޅުވައިފިއެވެ.

އެ މިސްކިތް ބަންދުކުރީ 2019ވަނަ އަހަރުގެ ސެޕްޓެމްބަރު މަސް ތެރޭގައެވެ. އަލުން އެ މިސްކިތް ހުޅުވާފައި މިވަނީ ގާތްގަނޑަކަށް ފަސް އަހަރު ފަހުންނެވެ.

މިސްކިތް ހުޅުވައިދެއްވީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.

އެ މިސްކިތް ބަންދު ކުރުމުން ގިނަ ބައެއްގެ ފާޑުކިޔުންތައް މީގެކުރިން އަމާޒުވިއެވެ.

އައިޖީއެމްއެޗްގެ އޭރުގެ މެނޭޖުމަންޓުން ބުނީ އެ މިސްކިތް ބަންދުކުރީ ވަގުތީ ގޮތުން ކަމަށެވެ.

އެެ މިސްކިތް ބަންދުކުރީ، އެ މިސްކިތާ އިންވެެގެން ހުރި ތަނެއްގައި މަރާމާތުގެ މަސައްކަތެއް ކުރިއަށްދާތީ ކަމަށް އޭރުގެ މެނޭޖުމަންޓުން ބުންޏެވެ.