ސާދަ އަހަރުފަހުން ސްޓެލްކޯއާ ޖެހިގެން އޮންނަ ދޮންއަދަރާދަ މަގު ހުޅުވާލައިފިއެވެ.

ދެހާސް ދިހަވަނަ އަހަރު ބަންދުކުރި އެ މަގު ހުޅުވާލީ ރޭގެ ވަގުތެއްގައެވެ. އެމަގު ހުޅުވައި ދެއްވީ ޓްރާންސްޕޯޓު މިނިސްޓަރު މުހައްމަދު އަމީނާއި ސްޓެލްކޯގެ އެމްޑީ ހުސައިން ފަހުމީއެވެ.

އެމަގު ހުޅުވާލީ މާލޭގެ ޓްރެފިކަށް ލުޔެއް ދިނުމުގެ ގޮތުންނެވެ. އަލުން އެމަގު ހުޅުވާލިއިރު އެ މަގަށް ބޮޑު ހޭދައެއް ސްޓެލްކޯ އިން ވަނީ ކޮށްފައެވެ.

އެގޮތުން އަލުން އެމަގުގައި ތާރު އަޅާފައިވާއިރު އެމަގުގައި ބޯގަންވިލާ ގަސްތައް ވެސް ބަހައްޓާފައިވެއެވެ.