ގއ. ވިލިނގިލީގައި ސަފާރީއެއްގެ ބަންނަމުންދިޔަ ހަރުގެއްގައި ރޭ ރޯވެ، އަނދައިފިއެވެ.

ރޭ 10 ޖަހަން އުޅެނިކޮށް، ހިނގި އެ ހާދިސާއާ ގުޅިގެން ބައެއް މީހުން ބުނީ އެއީ ބަޔަކު ގަސްތުގައި ކުރި ކަމެއް ކަމަށެވެ.

ވިލިނގިއްޔަށް ވާރޭ ވެހެމުންދަނިކޮށް، ހިނގި އެ ހާދިސާގައި އޮޑިހަރުގެ އެއްކޮށް އަނދާފައިވެއެވެ. އެގޮތުން ހަރުގޭގައި ވަށައިގެން ޖަހާފައިވާ ޓިނުތައް އަލިފާނުން ދޮންވެގެން ފައިބާފައިވެއެވެ.

ސަފާރީއެއް ބަނުމަށް ހަދާފައިވާ އެ ހަރުގެއަށް ގިނަ ދުވަސްތަކެއްވެފައިވާ ތަނެކެވެ.