އުތުރާއި މެދު ރާއްޖެތެރޭ ސަރަހައްދުގެ ވައި ނުސާފު ދުރު ފެންނަ މިންވަރު ވަރަށް ބޮޑަށް ދަށަށް ގޮސްފައިވާ ކަމަށް މޫސުމާ ބެހޭ ގައުމީ އިދާރާ (މެޓް އޮފީސް) އިން ބުނެފިއެވެ.

މެޓް އޮފީހުން މިއަދު ބުނީ ވައި ސާފު ދުވަހެއްގައި 10 ކިލޯމީޓަރަށް ވުރެ ދުރު ފެނުނު ނަމަވެސް ވޭތުވެދިޔަ 24 ގަޑިއިރު ހާއްސަކޮށް މެދު ރާއްޖެތެރޭގެ ސަރަހައްދަށް އެ މިންވަރު ފަސް ކިލޯ މީޓަރަށް ދަށްވެފައިވާ ކަމަށެވެ.

މެޓުން ބުނީ ދުރު ފެންނަ ނިސްބަތް ބަދަލުވުމުގައި ވައިގެ މިސްރާބާއި ބާރުމިން އަދި ވިއްސާރަވުން މުހިއްމު ދައުރެއް އަދާ ކުރާ ކަމަށެވެ.

ދާދިފަހުން ވެސް ރާއްޖެ އަށް ވަނީ ވަރަށް ބޮޑަށް ވިއްސާރަ ކޮށްފައެވެ. އަދި ބައެއް ސަރަހައްދުތަކަށް ބޯކޮށް ވާރޭވެހި ވައިގަދަވެފައިވެއެވެ.