އިދިކޮޅު އެމްޑީޕީގެ ފަރާތުން ކުރިޔަށް އޮތް ރައްޔިތުން މަޖިލީހުގެ އިންތިހާބުގައި ވާދަކުރާނެ ކެންޑިޑޭޓުން ކަނޑައެޅުމަށްޓަކައި ބާއްވާ ޕްރައިމަރީ ބާއްވާ ތާރީހު އިއުލާން ކޮށްފިއެވެ.

އެމްޑީޕީން މިއަދު ބުނީ 20 ވަނަ ރައްޔިތުންގެ މަޖިލިސްއަށް ވާދަކުރަން ބޭނުންފުޅުވާ ފަރާތްތަކުން ޝައުޤުވެރިކަން ފާޅުކުރުމަށް ހުޅުވާލެވުނު އިއުލާނާއި ގުޅިގެން ޝައުގުވެރިކަން ފާޅުކުރި ފަރާތްތަކުގެ ތެރެއިން ޕްރައިމަރީ ބާއްވަންޖެހޭ ދާއިރާތަކާއި، އެދާއިރާތަކަށް ކުރިމަތިލެއްވި ކެންޑިޑޭޓުންގެ ނަންތަކާއި ކެންޑިޑޭޓް ނަންބަރުތައް ތަރުތީބު ކޮށްފައިވާ ކަމަށެވެ.

އަދި ބުނީ އެ އިންތިހާބު ބާއްވަން ނިންމާފައި ވަނީ އަންނަ މަހުގެ ތިންވަނަ ދުވަހު ކަމަށެވެ.

އަންނަ މަހުގެ ތިންވަނަ ދުވަހު ޕްރައިމަރީ ބާއްވަން އެމްޑީޕީން ނިންމިއިރު އެމްޑީޕީގެ މަޖިލިސް ޕްރައިމަރީއާ ނުލާ 36 ބޭފުޅަކަށް ވަނީ ލިބިފައެވެ.