ރާއްޖެ އާއި ޗައިނާއާ ދެމެދު އޮންނަ ގާތް ގުޅުމަކީ ރާއްޖެ އަށް މުހިއްމު ގުޅުމެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ޗައިނާ އަށް މިހާރު ކުރައްވަމުން ގެންދަވާ ފުރަމާނަ ދަތުރުފުޅުގައި ރައީސް މުއިއްޒު މިއަދު ވަނީ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ އިންޓަނޭޝަނަލް)ގެ ރައީސް ޗާން ޔޮންޗުންއާ ބައްދަލުކުރައްވާފައެވެ.
އެ ބައްދަލުވުމުގައި ވާހަކަދައްކަވަމުން ބެއިޖިން އާބަން ކޮންސްޓްރަކްޝަން ގްރޫޕްގެ ރައީސްގެ ވާހަކަފުޅުގައި، ރައީސުލްޖުމްހޫރިއްޔާ ޗައިނާއަށް ކުރައްވަމުންގެންދަވާ އެ ދަތުރުފުޅުގެ ސަބަބުން، ދެ ގައުމުގެ ގުޅުންތައް އައު ހަރުފަތަކަށް ގެންދެވިއްޖެ ކަމުގައި ވިދާޅުވިއެވެ.
އަދި ރައީސުލްޖުމްހޫރިއްޔާ ވަނީ، އެމަނިކުފާނުގެ ފުރަތަމަ ފުރަމާނަ ދަތުރުފުޅު ޗައިނާއަށް ކުރެއްވުމަކީ އެމަނިކުފާނަށްވެސް ލިބިވަޑައިގެންނެވި ވަރަށް ބޮޑު އުފާފުޅެއް ކަމުގައި ވިދާޅުވެފައެވެ. އަދި ޗައިނާއާއި ދިވެހިރާއްޖެއާ ދެމެދު އޮންނަ ގުޅުމަކީ ދިވެހި ސަރުކާރަށް ވަރަށް މުހިންމު ގުޅުމެއް ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.
މިއަދުގެ ބައްދަލުކުރެއްވުމުގައި، ބީޔޫސީޖީ އިންޓަނޭޝަނަލްގެ ރައީސް ވަނީ އެ ގްރޫޕުން ކުރިއަށް ގެންދަވާ ތަފާތު މަޝްރޫއުތަކާ ބެހޭ މައުލޫމާތު ރައީސުލްޖުމްހޫރިއްޔާއާ ހިއްސާކުރައްވާފައެވެ. އަދި ރާއްޖޭގެ އިގްތިސޯދު ކުރިއެރުވުމުގައި ދިވެހި ސަރުކާރަށް ބީޔޫސީޖީ އިންޓަނޭޝަނަލް އިން އެއްބާރުލުން ދެއްވާނެކަމުގައިވެސް ވިދާޅުވިއެވެ.
އެ ބައްދަލުވުމުގައި ރައީސް މުއިއްޒު ވަނީ ބީޔޫސީޖީ އިންޓަނޭޝަނަލް އިން ކުރައްވަމުން ގެންދަވާ މަސައްކަތްތަކަށް ތައުރީފުކުރައްވާފައެވެ. އަދި ދިވެހިރާއްޖޭގެ ތަރައްގީއަށްޓަކައި ސަރުކާރުން ކުރިއަށް ގެންދަވާ މުހިންމު މަޝްރޫއުތަކާ ގުޅޭ މައުލޫމާތު ރައީސް މުއިއްޒު ހިއްސާ ކުރެއްވިއެވެ.
އަނެއްކާވެސް މާލޭގެ ގެއެއްގެ ތެރެއިން މަރުވެފައި އޮތް މީހަކު ފެނިއްޖެ 
ޝަރީއަތް ނިމެންދެން ބައްސާމްގެ ޕާސްޕޯޓު ހިފަހައްޓަން އަމުރުކޮށްފި 
ފުއްޕާމާގެ އާލާސްކަންފުޅަކަށް ސައުދީގެ ރަސްގެފާނު ފަރުވާ ހޯއްދަވަނީ 
އަމާޒަކީ މަސް ޕްރޮސެސްކުރުން އިޔާދަކުރަނިވި ހަކަތައަށް ބަދަލުކުރުން 
ރައީސީ އަވަހާރަވުމާއި ގުޅިގެން ދިވެހި ދިދަ ބައިދަނޑި އަށް ތިރިކުރަނީ 
ކަޔަކެއްގައި މޫދަށް ފައިބައިގެން އުޅެނިކޮށް ގެއްލުނު މީހާ ފެނިއްޖެ 
