ރާއްޖެ އައި ދިވެހި ޒުވާން ދެމަފިރިންގެ ލަގުން ގިނަ އަދަދެއްގެ މަސްތުވާތަކެތި ފެނިގެން ހައްޔަރުކޮށްފިއެވެ.

އެ މައްސަލާގައި ހައްޔަރުކޮށްފައިވަނީ މާލެއަށް ނިސްބަތްވާ 27 އަހަރުގެ ދިވެހި ފިރިހެނަކާއި ހދ. ނެއްލައިދޫއަށް ނިސްބަތްވާ 20 އަހަރުގެ އަންހެނެކެވެ.

އެ މީހުން ބަންދު ކުރަން ކްރިމިނަލް ކޯޓުން އިއްޔެ ނެރުނު އަމުރުގައިވާ ގޮތުން އެ ދެމަފިރިން ރާއްޖެ އައިއިރު ގެނައި ލަގެޖުން ގިނަ އަދަދެއްގެ މަސްތުވާތަކެތި ފެނިފައިވާ ކަމަށެވެ. އެ ދެމަފިރިންގެ ކުޑަކަމުދާ ތަކެތި ޓެސްޓް ކުރިއިރު މަސްތުވާތަކެއްޗަށް ޕޮޒިޓިވް ވެފައިވާ ކަމަށް އަމުރުގައިވެ އެވެ.

ކޯޓުން ވަނީ މި ދެ މީހުން 15 ދުވަހަށް ބަންދު ކުރުމަށް އަމުރުކޮށްފަ އެވެ.

މަސްތުވާތަކެތި ފެނުނު ލަގެޖަކީ މީހަކު ބުނެގެން ގެނައި އެއްޗެއް ކަމަށް މި މީހުން ބުނެފައިވާއިރު މިކަމުގައި އިތުރު ބައެއްގެ ބައިވެރިވުން ވާކަމަށް ބުރަވެވޭ ކަމަށް ވެސް އަމުރުގައި ބުނެފައިވެއެވެ.