ގައުމީ އެއާލައިން "މޯލްޑިވިއަން" ހިންގާ ކުންފުނި އައިލެންޑް އޭވިއޭޝަންގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި އާއިޝަތު ޖެނިފާ އެ މަގާމުން ވަކިކޮށްފިއެވެ.

މައުލޫމާތު އެނގޭ ފަރާތަކުން މިރޭ "ހަތާވީސް" އަށް ވިދާޅުވީ ޖެނިފާ ވަކިކުރީ އެކުންފުނީގެ ބޯޑަށް އެފަދަ ކަންކަން ކުރުމުގައި ލިބިގެންވާ ބާރުގެ ދަށުން ކަމަށެވެ. އިތުރު ތަފްސީލެއް ނުދެއްވައެވެ. ޖެނިފާ އެ މަގާމަށް އައްޔަން ކުރެއްވީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުންނެވެ.

ބައެއް މީޑިއާތަކަށް ޖެނިފާ ވިދާޅުވެފައި ވަނީ މަގާމުން ވަކި ކުރެއްވި ސަބަބެއް އެނގިވަޑައި ނުގަންނަވާ ކަމަށެވެ. އަދި އެ މަގާމުން އޭނާ ވަކި ކުރެއްވީ 25 އަހަރު ހިދުމަތް ކުރި ފަހުން ކަމަށެވެ.