މިހާރު ރާއްޖޭގެ އެކި ހިސާބުތަކަށް ކުރަމުން ގެންދާ ވިއްސާރާގައި ވޭތުވެދިޔަ 24 ގަޑިއިރު އެންމެ ގިނައިން ވާރޭ ވެހުނީ މާލެ ސަރަހައްދަށް ކަމަށް މޫސުމާ ބެހޭ ގައުމީ އިދާރާ (މެޓް) އޮފީހުން ބުނެފިއެވެ.
ރާއްޖެއަށް މިހާރު ކުރަމުންދާ ވިއްސާރައާ ގުޅޭ މައުލޫމާތު ސާފު ކުރުމަށް "ހަތާވީސް" އިން މެޓް އޮފީހަށް ގުޅުމުން އެ އޮފީހުގެ އޮފިޝަލަކު ވިދާޅުވީ މިހާރު ކުރަމުންދާ ވިއްސާރަ އަކީ ދެކަމެއް އެއްވެގެން ކުރަމުންދާ ވިއްސާރައެއް ކަމަށެވެ. އެގޮތުން މިހާރު ކުރާ ވިއްސާރަ އަކީ އަރަބި ކަނޑުގައި ލޯ ޕްރެޝަރެއް ވެސް އުފެދުމުންނާއި އިރުވައި މޫސުން ފެށުމާއި ގުޅިގެން ކުރާ ވިއްސާރައެއް ކަމަށް އޭނާ ވިދާޅުވިއެވެ.
"ވޭތުވެދިޔަ 24 ގަޑިއިރު އެންމެ ގިނައިން ވާރޭ ވެހުނު ކަމަށް ރިކޯޑު ކުރެވުނީ މާލެ ސަރަހައްދަށް، އެއީ 207 މިލިމީޓަރުގެ ވާރޭ،" އޮފިޝަލް އިތުރަށް ވިދާޅުވިއެވެ.
އޭނާ ވިދާޅުވީ މާދަމާ އިން ފެށިގެން މެދުރާއްޖެއާ ދެކުނުގެ ރަށްތަކަށް މޫސުން ރަނގަޅުވާން ފަށާނެ ކަމަށް ލަފާ ކުރެވޭ ކަމަށާއި އެހެންނަމަވެސް ކެރީގެ އަސަރު ކުރާނެ ކަމަށް ލަފާ ކުރެވޭ ކަމަށެވެ. އަދި އުތުރުގެ ރަށްތަކަށް މާދަމާ ވެސް ވިއްސާރަ ކުރާނެ ކަމަށް ވަނީ ލަފާ ކޮށްފައެވެ.
މާލެ ސަރަހައްދު ހިމެނޭހެން ރާއްޖޭގެ އިތުރު ސަރަހައްދުތަކަށް މޫސުން ގޯސްވާނެ ކަމަށް ލަފާކޮށް އޮރެންޖު އެލާޓު ވަނީ ނެރެފައެވެ.
މެޓު އޮފީހުން މިއަދު ބުނީ މާލެ ސަރަހައްދު ހިމެނޭހެން އދ. އަތޮޅާއި ހަމައަށް މޫސުން ވަރަށް ގޯސް ވާނެ ކަމަށް ލަފާ ކުރެވޭ ކަމަށެވެ. އެގޮތުން އެ ސަރަހައްދުތަކުގައި ހިމެނޭ ރަށްތަކަށް ގުގުރުމާއެކު ބޯކޮށް ވާރޭ ވެހޭނެ ކަމަށް މެޓުން ވަނީ ލަފާ ކޮށްފައެވެ. މެޓު އޮފީހުން އެލާޓު ނެރެފައި ވަނީ 15:15 އިން 17:15އާ ހަމައަށެވެ.
ރައީސް، އދގެ ސެކްރެޓަރީ ޖެނެރަލްއާ ބައްދަލު ކުރައްވައިފި 
ބުންވަރު ހުރި އިގްތިސޯދަކާއި ދިމާލަށް އަންނަ އަހަރު ދާނެ: ސައީދު 
ޑޮލަރު މާރުކުރާ ގަވާއިދަށް ރަޖިސްޓްރީ ނުވަނީ އެންމެ ރިސޯޓަކުން 
ދުރާލާ އިންޒާރު ދޭ ނިޒާމަކީ ދިރިއުޅުމަށް ކުރެވޭ އިންވެސްޓްމަންޓެއް 
މީޑިއާތައް ކޮންޓްރޯލް ކުރުމަކީ އަޅުގަނޑު ގަބޫލުކުރާ ހަމައެއް ނޫން 
ކާބަން މަދުކުރުމަކީ އިހްތިޔާރެއް ނޫން، އެއީ ކުރަންޖެހޭ ކަމެއް: ރައީސް 
