އައްޑޫ ސިޓީއަށް މިހާރު ކުރަމުން ގެންދާ ވިއްސާރާގައި ފޭދޫ އަދި ހުޅުމީދޫގައި ފެން ބޮޑުވެއްޖެއެވެ.

ނޭޝަނަލް ޑިޒާސްޓާ މެނޭޖުމަންޓް އޮތޯރިޓީ (އެންޑީއެމްއޭ) އިން ބުނީ އައްޑޫ ސިޓީ ފޭދޫ އަދު މީދޫގައި 21 ގެއަކަށް ފެން ވަދެގެން ރިޕޯޓު ކޮށްފައިވާ ކަމަށެވެ.

މީދޫގައި ބައެއް ގެއަކާއި ބައެއް ގެސްޓްހައުސްތަކާއި ފިހާރަތަކަށް އެކިވަރުގެ ގެއްލުން ލިބިފައިވާ ކަމަށް ވެސް ބުންޏެވެ.

އަދި ބުނީ ސިފައިންނާއި އެެހެނިހެން ފަރާތްތައް ގުޅިގެން ފެން ހިއްކުމާއި ވެލިބަސްތާ ޖެހުމުގައި ހަރަކާތްތެރިވަމުން އަންނަ ކަމަށް ވެސް ބުންޏެވެ.

މޫސުމާ ބެހޭ ގައުމީ އިދާރާ އިން ވަނީ ފުވައްމުލަކު ސިޓީން އައްޑޫ ސިޓީއަށް އޮރެންޖު އެލާޓު ނެރެފައެވެ.

ގުގުރުމާއެކު ބޯކޮށް ވާރޭވެހި ފެންބޮޑުވާނެ ކަމަށް އެ އިދާރާ އިން ވަނީ ލަފާ ކޮށްފައެވެ.