އައްޑޫގައި ހިނގި މާރާމާރީތަކާއި ގުޅިގެން ގިނަ އަދަދެއްގެ ބަޔަކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ.

ފުލުހުން މިއަދު ބުނީ އެ މާރާމާރީތަކާއި ގުޅިގެން މިހާތަނަށް ޖުމްލަ 11 މީހަކު ހައްޔަރު ކޮށްފައިވާ ކަމަށެވެ. ހައްޔަރު ކޮށްފައިވާ މީހުންގެ ތަފްސީލެއް ހާމައެއް ނުކުރެއެވެ.

އައްޑޫގައި އެންމެ ފުރަތަމަ މާރާމާރީ ހިނގީ މިދިޔަ ހުކުރު ދުވަހުގެ ރޭގައެވެ. އެ މާރާމާރީ އަށް ފަހު އިތުރު މާރާމާރީތަކެއް ވެސް ހިނގިއެވެ.

މި މާރާމާރީތަކުގައި ދެ މީހަކު ޒަހަމްވިއިރު އޭގެތެރެއިން އެކަކަށް ސީރިޔަސް އަނިޔާތަކެއްވިއެވެ.