އިދިކޮޅު އެމްޑީޕީގެ މަޖިލިސް މެންބަރުންނާއި އެޕާޓީގެ ރައީސް އަދި ކުރީގެ ރައީސް އިބްރާހީމް މުހައްމަދު ސޯލިހް ބައްދަލުކުރައްވައިފިއެވެ.

އެމްޑީޕީން އެކްސްގައި ކޮށްފައިވާ ޕޯސްޓެއްގައި ވަނީ ރައީސް ސޯލިހް އެމްޑީޕީގެ މަޖިލިސް މެންބަރުންނާއި ބައްދަލު ކުރައްވާފައިވާ ކަމަށެވެ. ނަމަވެސް އެކަމުގެ ތަފްސީލެއް ހާމައެއް ނުކުރެއެވެ.

ރައީސް ސޯލިހް އަށް އެމްޑީޕީގެ ރައީސްކަން ހަވާލުކުރީ އެޕާޓީން ދާދިފަހުން ބޭއްވި ގައުމީ މަޖިލީހުގެ ބައްދަލުވުމުގައެވެ. އެމަނިކުފާނަށް އެމްޑީޕީގެ ރައީސްކަން ހަވާލުކުރެއްވީ ވަގުތީ ގޮތުންނެވެ.

ރައީސް ސޯލިހް އަންނަނީ މިފަހަކުން އެމްޑީޕީގެ އެކި ކޮމެޓީތަކުގެ މެންބަރުންނާއި ބައްދަލު ކުރައްވައިފައެވެ.