ރައްޔިތުން މަޖިލީހުގެ މިއަހަރުގެ ތިންވަނަ ދައުރުގެ ޖަލްސާތައް މިމަހުގެ 18ވަނަ ދުވަހާއި ހަމައަށް ދިގު ދަންމާލަން ނިންމައިފިއެވެ.

ރައްޔިތުން މަޖިލީހުގެ މިއަދުގެ ޖަލްސާގައި ވާހަކަދައްކަވަމުން މަޖިލިސް ރައީސް މުހައްމަދު އަސްލަމް ވިދާޅުވީ މަޖިލީހުގެ މަސައްކަތްތައް ނިމިފައި ނުވާ ކަމަށެވެ. އެހެންކަމުން އަނެއްކާވެސް މަޖިލީހުގެ ދައުރު އިތުރު ކުރަން ޖެހިފައިވާ ކަމަށެވެ.

މަޖިލީހުގެ ތިންވަނަ ދައުރުގެ ޖަލްސާތައް މިދިޔަ މަހުގެ 27ގައި ނިމެއެވެ. ނަމަވެސް މަޖިލީހުގެ މަސައްކަތްތައް ނިމިފައި ނުވާތީ، މާދަމާގެ ނިޔަލަށް ޖަލްސާތައް ދަންމާލިއެވެ.

މަޖިލީހުގައި މިވަގުތު ހުރި މައްސަލަތަކުގެ ތެރޭގައި އަންނަ އަހަރުގެ ބަޖެޓާއި ވަޒީރުންނަށް ރުހުން ދިނުން ހިމެނެއެވެ.