އެކި ސަރުކާރުތަކުގެ ބޯހިޔާވަހިކަމުގެ ސިޔާސަތުތަކުގެ ދަށުން އިމާރާތް ކޮށްފައިވާ ހައުސިން ޔުނިޓުތަކުގެ އަގު ކުޑަ ކުރުމަށް ނިންމައިފިއެވެ.

ރައީސް އޮފީހުގައި މިހާރު ކުރިޔަށްދާ ނޫސްވެރިންގެ ބައްދަލުވުމުގައި އެކަން އިއުލާން ކުރެއްވީ ރައީސް ޑރ. މުހައްމަދު މުއިއްޒެވެ. މިއީ ރިޔާސީ އިންތިހާބުގައި ރައީސް ވެވަޑައިގެންނެވި ވައުދެކެވެ.

ރައީސް ވިދާޅުވީ ބައެއް ރަށްރަށުގައި އިމާރާތް ކޮށްފައިވާ ހައުސިން ޔުނިޓުތަކުގެ އަގު 2،500އަށް އުޅޭ ކަމަށާއި އެ އަގުތަކަށް އެއްވެސް ބަދަލެއް ނާންނާނެ ކަމަށެވެ.

އެހެންނަމަވެސް 5،000 ރުފިޔާ އިން ފެށިގެން ބޮޑުކޮށް ހުރި ހައުސިން ޔުނިޓުތަކުގެ އަގު 3،330 ރުފިޔާ އަށް ކުޑަ ކުރަން ނިންމާފައިވާ ކަމަށް ރައީސް ވިދާޅުވިއެވެ.