އައްޑޫ ސިޓީ ހިތަދޫގައި ހިނގި މާރާމާރީއާ ގުޅިގެން ފުލުހުންގެ ބެލުމުގެ ދަށަށް ބަޔަކު ގެނެސްފިއެވެ.

އެ މާރާމާރީ ހިނގާފައި ވަނީ މިދިޔަ ހުކުރު ދުވަހުގެ ރޭގެ ވަގުތެއްގައެވެ. އެ މާރާމާރީގައި ތޫނު އެއްޗަކުން ހަމަލާދީ މީހަކު ޒަހަމު ކޮށްލާފައިވާ ކަމަށާއި ޒަހަމު ކޮށްލާފައިވަނީ 30 އަހަރުގެ ދިވެހި ފިރިހެނެއް ކަމަށް ފުލުހުން އިއްޔެ ބުންޏެވެ.

އެމީހާ ވަނީ އިތުރު ފަރުވާ އަށް އިއްޔެ މާލެ ވެސް ގެނެސްފައެވެ.

އެ މާރާމާރީއާ ގުޅޭ އެންމެ ފަހުގެ މައުލޫމާތު ހިއްސާ ކުރަމުން ފުލުހުން މިއަދު ބުނީ އެ މައްސަލައާ ގުޅިގެން ހަތަރު މީހަކު ހައްޔަރު ކޮށްފައިވާ ކަމަށެވެ. އެއީ 18 އަހަރުގެ މީހަކާއި 19 އަހަރާއި 20 އަދި 23 އަހަރުގެ މީހެއް ކަމަށް ފުލުހުން ބުންޏެވެ.

ފުލުހުން ބުނީ އެ ހަތަރު މީހުންނަކީ ވެސް ދިވެހިން ކަމަށެވެ.