ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނާއިބުކަމުގެ މަގާމުގެ ހުވާ، ހުސައިން މުހައްމަދު ލަތީފް ކުރައްވައިފިއެވެ.
ޖުމްހޫރީ މައިދާނުގައި މިހާރު ކުރިޔަށްދާ ރައްޔިތުން މަޖިލީހުގެ ޖަލްސާގައި ހުވާ ލައިދެއްވީ އުއްތަމަ ފަނޑިޔާރު އަހްމަދު މުއުތަސިމް އަދުނާނެވެ. ނާއިބު ރައީސްކަމުގެ ހުވާ ކުރެއްވުމުގެ ކުރިން ހުސައިން ހުންނެވީ، ފަރެސްމާތޮޑާ ދާއިރާގެ ރައްޔިތުން މަޖިލީހުގެ މެންބަރުކަމުގައެވެ.
އެހެންނަމަވެސް ނާއިބު ރައީސްކަމުގެ ހުވާ ކުރެއްވުމަށް އެ މަގާމުން ހުސައިން ވަނީ އިސްތިއުފާ ދެއްވަވައިފައެވެ.
ސިޔާސީ ދާއިރާ އަށް ހުސައިން ނިކުންނެވީ 18ވަނަ ރައްޔިތުންގެ މަޖިލީހަށެވެ. ޕީޕީއެމްގެ ޓިކެޓުގައި އިންތިހާބުވެވަޑައިގެންނެވި ހުސައިން ދައުރުގެ ފަހުކޮޅު ޖުމްހޫރީ ޕާޓީއަށް ގުޅިވަޑައިގަތެވެ.
ނަވާރަވަނަ މަޖިލީހަށް ނިކުންނެވީ މިނިވަން ކެންޑިޑޭޓެއްގެ ގޮތުގައެވެ. އިންތިހާބު ކާމިޔާބު ކުރައްވާ ފަހުން އަނެއްކާވެސް ޕީޕީއެމްއާ ގުޅިވަޑައިގަތެވެ.
ޖިންސީ ގުނަވަނުގައި ހަރުކޮށްގެން ގެންގުޅުނީ ޑްރަގް, އުމުރަށް ޖަލަށް 
ޝިޔާމްގެ މައްޗަށް ކުށް ސާބިތުނުވެ ސަލާމަތްވުމުން ޕީޖީން ހައި ކޯޓަށް 
ފައިސާ އާއި ރަނާއެކު ޗައިނާ ބަޔަކު ކޮންގޯއިން ހައްޔަރުކޮށްފި 
ހަތިޔާރު އުފެއްދުމުގައި ސައޫދީ އާއި އިންޑިއާ ގުޅިގެން މަސައްކުރަނީ 
އެއާޕޯޓުގައި ޓެކްސީއެއް އެކްސިޑެންޓުވެ، ދެ މީހަކަށް އަނިޔާވެއްޖެ 
ގަލޮޅު އިހްސާން ފިހާރަ ހިންގާ އިމާރާތުގައި ރޯވެއްޖެ 
