ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަގާމުން ވަކިކުރުމަށް އެތައް ފަހަރެއްގެ މަތިން ޖަލްސާ ބާއްވަން އުޅެ ނުބޭއްވިވަނިކޮށް، އެމަނިކުފާނު އިސްތިއުފާ ދެއްވުމުން އެ މަޖިލީހަށް އާ ރައީސަކު އިންތިހާބު ކުރުމުގެ ޖަލްސާ މިރޭ ބާއްވަން އެޖެންޑާކޮށްފިއެވެ.
ޖަލްސާ ބާއްވަން އެޖެންޑާކޮށްފައި ވަނީ މިރޭ 10 ޖަހާއިރުއެވެ.
މަޖިލީހަށް އާ ރައީސެއް އިންތިހާބު ކުރުމުގެ ޖަލްސާގެ އެޖެންޑާ އާންމު ކުރީ މިރޭ ކުއްލި ގޮތަކަށެވެ. ބައެއް މެމްބަރުން އެ ޖަލްސާއަށް ވަޑައިގެންނެވީ އިންތިހާބީ ރައީސާ އެކު މިރޭ ބޭއްވި "ނޫސްވެރިންގެ ގުންޒަރު" ހަފްލާގައި ތިއްބަވަނިކޮށެވެ.
މަޖިލީހުގެ މިރޭގެ ޖަލްސާގެ އެޖެންޑާގައި އޮތީ ހަމައެކަނި މަޖިލީހަށް އާ ރައީސެއް އިންތިހާބު ކުރުމެވެ.
"ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގެ 82 ވަނަ މާއްދާގެ (ނ) ގައިވާ ގޮތުގެ މަތިން ރައްޔިތުންގެ މަޖިލީހުގެ ރައީސް، މަގާމުން އިސްތިއުފާދެއްވާފައިވާތީ، އެ މަގާމަށް މެމްބަރަކު އިންތިހާބުކުރުމުގެ މައްސަލަ،" މަޖިލީހުގެ އެޖެންޑާގައި ބުނެފައިވެއެވެ.
އިންޑިއާ އިން ރާއްޖެއަށް 1200 ގަސް ހަދިޔާކޮށްފި
ރަސްމާލެ މަޝްރޫއު: ރައްޔިތުންގެ ފެންނަ ނުފެންނަ ވޯޓެއް ނުނަގާނެ
ސުޕްރީމް ކޯޓުގެ ފަނޑިޔާރު ކަމަށް ސަމީރު އަދި ރައޫފް ކުރިމަތިލައްވައިފި
ބަޖެޓު 27: އަންނަ އަހަރު އެންމެ ބޮޑު އެހީ ދޭ ގައުމަކީ އިންޑިއާ
ބޯކޮށް ވާރޭ ވެހޭނެ ކަމަށް ލަފާކޮށް ހަ އަތޮޅަކަށް ޔެލޯ އެލާޓު ނެރެފި
ޅައިމަގަށް ނަގޫ ރޯޅިއެއް އަރާ މީހަކަށް އަނިޔާވެއްޖެ