ސައްހަ ނޫން ޑޮލަރުގެ ވިޔަފާރީގެ މައްސަލައެއްގައި ދެ މީހަކު ހޯދުމަށް ފުލުހުން އިއުލާންކޮށްފިއެވެ.

ސޯޝަލް މީޑިއާގައި ފުލުހުން ވަނީ އެ ދެ މީހުންގެ ވީޑިއޯ އާއްމު ކޮށްފައެވެ. އެއާއެކު ފުލުހުން ބުނީ އެއީ ކޮން ބައެއްކަން ސާފުނުވާތީ އެ މީހުން ދެނެގަތުމަށް އާންމުންގެ އެހީތެރިކަން ބޭނުންވާ ކަމަށެވެ.

ފުލުހުން ބުނީ އެ ދެ މީހުންނާއި ގުޅޭ އެއްވެސް މައުލޫމާތެއް އެނގޭ ފަރާތެއްވާ ނަމަ ފުލުހުންގެ ހޮޓްލައިން ނަމްބަރު 3322111 އަށް ނުވަތަ އިކޮނޮމިކް ކްރައިމްޑިޕާޓްމަންޓްގެ ނަމްބަރު 9790048 އަށް ގުޅައި ހިއްސާކޮށް ދިނުމަށް އެދޭ ކަމަށެވެ.

މީގެކުރިން މިފަދަ މައްސަލަތަކުގައި ފުލުހުން ވަނީ އާއްމުންގެ އެހީއަށް އެދިފައެވެ.