ކުރީގެ ރައީސް އަދި ޕީޕީއެމްގެ ރައީސް، ރައީސް ޔާމީންގެ ގޭ ބަންދަށް އިތުރު ލުއިތަކެއް ދިނުމަށް ނިންމައިފިއެވެ.

ކަރެކްޝަންގެ މީޑިއާ އޮފިސަރު މިރޭ "ހަތާވީސް" އަށް ވިދާޅުވީ ރައީސް ޔާމީންގެ ބަންދަށް ލުއިތަކެއް ދީފައިވާ ކަމަށެވެ. ގިނަ ލުއިތައް ދީފައި ވަނީ ސިއްހީ ފަރުވާ އަށް ކަމަށް ވެސް ވިދާޅުވިއެވެ. އެކަމުގެ އިތުރު ތަފްސީލް މާދަމާ ދެއްވާނެ ކަމަށް ވެސް ވިދާޅުވިއެވެ.

ޔާމީން ގެއަށް ބަދަލުކުރީ މިމަހުގެ އެއްވަނަ ދުވަހުއެވެ. އެމަނިކުފާނު ގެއަށް ބަދަލުކުރެއްވީ އިންތިހާބީ ރައީސް ޑރ. މުހައްމަދު މުއިއްޒުގެ އެދިވަޑައިގަތުމަކަށެވެ.