މިއަދު ހެނދުނު ރާއްޖޭގައި ފެށި ރިޔާސީ އިންތިހާބުގެ ދެވަނަ ބުރުގެ ވޯޓުލުން ކުރިޔަށްދާއިރު، މިހާތަނަށް 78 ޕަސެންޓު މީހުން ވޯޓުލައިފިއެވެ.

އިލެކްޝަންސް ކޮމިޝަން އިން ބުނީ މިއަދުގެ 16:00އާ ހަމައަށް 221،496 މީހުން ވޯޓުލާފައިވާ ކަމަށެވެ.

މިއީ ވޯޓުލުމުގެ ހައްގު ލިބިފައިވާ 282،804 މީހުންގެ ތެރެއިން 78.32 ޕަސެންޓު ވޯޓެވެ.

މި އިންތިހާބުގައި ވޯޓުލުން ބަންދު ވާނީ 17:00ގައެވެ. އިތުރަށް ވޯޓުލުމަށް ވަގުތު އިތުރު ނުކުރާނެ ކަމަށް އިލެކްޝަންސް އިން ބުނެއެވެ.