މުއިއްޒު ވޯޓު ލައްވައިފި، އެދިވަޑައިގަތީ އަވަހަށް ވޯޓުލާން

ޕީއެންސީގެ ރިޔާސީ ކެންޑިޑޭޓު ޑރ މުހައްމަދު މުއިއްޒު ވޯޓު ލައްވައިފިއެވެ.

ތާޖުއްދީން ސްކޫލުގައި ބެހެއްޓިފައިވާ މާފަންނު ދެކުނުގެ ދެ ނަންބަރު ވޯޓު ފޮއްޓަށް ވޯޓުލުމަށް މުއިއްޒު ވަޑައިގެންނެވިއިރު އަރިހުގައި ޕީޕީއެމް/ޕީއެންސީގެ ބައެއް އިސްވެރިންނާއި އެމަނިކުފާނުގެ ރަނިން މޭޓު ހުސައިން މުހައްމަދު ލަތީފް ވެސް ވަޑައިގެންނެވިއެވެ.

ވޯޓު ލެއްވުމަށްފަހު ނޫސްވެެރިންނާއި ބައްދަލުކުރައްވާ ވާހަކަދައްކަވަމުން މުއިއްޒު ވަނީ ހުރިހާ ފަރާތްތަކުން ވެސް ވީހާ ވެސް އަވަހަށް ވޯޓު ލެއްވުމަށް އެދިވަޑައިގެންފައެވެ.

ރިޔާސީ އިންތިހާބުގެ ދެވަނަ ބުރުގެ ވޯޓުލުން ފަށާފައި ވަނީ ހެނދުނު 8:00ގައެވެ. ވޯޓުލުން ނިމޭނީ ހަވީރު 17:00ގައެވެ.

ފުރަތަމަ ބުރެކޭ ވެސް އެއްގޮތަށް ދެވަނަ ބުރުގައި ވެސް ވަގުތެއް އިތުރު ނުކުރާނެ ކަމަށް އިލެކްޝަންސް އިން ބުންޏެވެ.