އެއްވެސް މީހަކަށް އަނިޔާއެއް ދީފައި ނޯންނާނެ ކަމަށާއި އަދި އެއްވެސް މީހެއްގެ ހައްގަކަށް ވެސް އަރައިގެންފައި ނޯންނާނެ ކަމުގެ ޔަގީންކަން ދިވެހި ރައްޔިތުންނަށް ދެއްވާ ކަމަށް ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވިދާޅުވެއްޖެއެވެ.
ފުވައްމުލަކު ސިޓީގައި މިރޭ ބޭއްވި ކެމްޕޭނު ޖަލްސާގައި ވާހަކަދައްކަމުން މުއިއްޒު ވިދާޅުވީ ޒާތީ ގޮތުން އޭނާއާ ގުޅޭ ގޮތުން ދައްކަމުން ގެންދާ ވާހަކަތަކާއި ގުޅޭ ގޮތުން ކަންބޮޑުވާން ޖެހޭ ކަމެއް ނޯންނާނެ ކަމަށެވެ. އަދި ޖަވާބު ނުދެވޭނެ އެއްވެސް ކަމެއް ނޯންނާނެ ކަމަށް މުއިއްޒު ވިދާޅުވިއެވެ.
ޑރ. މުއިއްޒު ފާހަގަކުރެއްވި ގޮތުގައި ޒާތީވެގެން އެގޮތަށް ވާހަކަތައް ދެއްކި ވަރަކަށް ފަޟީހަތް ވެގެން ދާނީ އެ ވާހަކަތައް ދައްކާ މީހުން ކަމަށެވެ.
"އަޅުގަނޑަށް ރަނގަޅީ ވެސް އެ ކަންކަން އެ ގޮތަށް ކުރިއަށް ގެންދިޔައިއްޔާ. އޭރުން ރައްޔިތުންނަށް ހައްތަހާ ވެސް އެ ވާހަކަތައް ދައްކާ ފަރާތްތައް ފަލީހަތް ވާނީ،" މުއިއްޒު ފާހަގަކުރެއްވިއެވެ.
މައްސަލައެއް އޮތިއްޔާ ރަސްމީ އިދާރާތަކުން ބައްލަވަންވީ ކަމަށް ވިދާޅުވެ މުއިއްޒު ވަނީ އެމަނިކުފާނުގެ އެއްވެސް މައްސަލައެއް ނޯންނާނެ ކަމަށް ވިދާޅުވެފައެވެ. އެ މައްސލަައެއް ބައްލަވާ ފަރާތްތަކުން އެކަމެއް ބަލަން ޖެހޭނީ އިންސާފުވެރިކަމާއެކު ކަމަށާއި ސިޔާސީ ނުފޫޒުން އެފަރާތްތަކުން އެއްކިބާވާން ޖެހޭނެ ކަމަށް މުއިއްޒު ވިދާޅުވިއެވެ.
"ކިތަންމެ ވަރަކަށް އަޅުގަނޑާ މެދުގައި ޒާތީ ވާހަކަ ދެއްކިޔަސް މި ގައުމުގައި ބޭރު ސިފައިން ނެތް ކަމަކަށް ނުވާނެ. ކިތަންމެ ވަރަކަށް ހަދަހަދައިގެން ވާހަކަ ދެއްކިޔަސް ކަނޑުވިއްކާނުލާ ކަމަކަށް ނުވާނެ،" މުއިއްޒު ވިދާޅުވިއެވެ.
ހޯރަފުށިން ސޯލިހަށް "ހިދުމަތުގެ އައްޑަނަ"އެއް އަރުވައިފި 
ތިން ވަނަ ކުއާޓާގައި އެސްޓީއޯއަށް 186 މިލިއަންގެ ފައިދާއެއް 
ބައްސާމަށް އިތުރު ފަސް އަހަރުގެ ޖަލު ހުކުމެއް 
އަންނަ އަހަރުގެ ބަޖެޓަކީ މިއަހަރުގެ ބަޖެޓަށްވުރެ ކުޑަ ބަޖެޓެއް: ރައީސް 
އަންނަ އަހަރަށް 64.2 ބިލިއަން ރުފިޔާގެ ބަޖެޓެއް 
މީޑިއާތަކަށް ގްރާންޓް ދިނުމުގެ ކަންކަން ކޮންޓްރޯލް ކޮމިޝަނާ ހަވާލުކޮށް 
