ނެދަލޭންޑުގައި ގުރުއާން ވީދުން ދިވެހި ސަރުކާރުން ކުށްވެރިކޮށްފިއެވެ.
ފޮރިން މިނިސްޓްރީ އިނގިރޭސިބަހުން ނެރުނު ބަޔާނެއްގައި ބުނީމި މަހުގެ 23 ވަނަ ނެދަލޭންޑްސްގެ ދަ ހޭގްގައި ހުންނަ ގިނަ އެމްބަސީތަކެއް ކުރިމަތީގައި ކީރިތި ގުރުއާނުގެ ކޮޕީތައް ވީދާލަ މައްސަލަ ދިވެހި ސަރުކާރުން ހަރުކަށި އިބާރާތުން ކުށްވެރިކުރާ ކަމަށެވެ.
ހިޔާލުފާޅުކުރުމުގެ މިނިވަންކަމުގެ ނަމުގައި ގުރުއާނަށް އެންދުމަކީ އެއީ ބަލައިގަނެވޭނެ ކަމެއް ނޫން ކަމަށާއި އެފަދަ އަމަލުތަކަށް ހުއްޓުވުމަށް ދައުލަތްތަކުގެ ގައުމީ ފެންވަރުގައި ގާނޫނާއި ސިޔާސަތުތައް ކަނޑައަޅާއި ތަންފީޒުކުރަން ގޮވާލިއެވެ.
ދީނީ ގޮތުން ނުތަނަވަސްކަމާއި، ނޭދެވޭ ސްޓީރިއޯޓައިޕިންއާއި، ނަފްރަތާއި، މުސްލިމުންނާ ދެކޮޅަށް ހިންގާ އަނިޔާގެ މައްސަލަތައް އިތުރުވަމުންދާތީ ކަންބޮޑުވާ ކަމަށް ސަރުކާރުން ބުންޏެވެ.
އިސްލާމްދީނާ ހިލާފު މިފަދަ ހުތުރު އަމަލުތައް ހުއްޓާލުމަށް ގޮވާލައި ދީނަށް ފުރައްސާރަކުރުމާއި ނަފްރަތު އުފެދޭ ވާހަކަތައް ފެތުރުން ހުއްޓުވުމަށް ޓަކައި ބައިނަލްއަގްވާމީ ފެންވަރުގައި ހަރުދަނާ ފިޔަވަޅުތަކެއް އެޅުމަށް ފޮރިން މިނިސްޓްރީގެ ބަޔާނުގައި ގޮވާލިއެވެ.
ފެންނަނީ ދާއިމީކޮށް އީގަލް ހިލްސްއަށް ބިން ދޫކޮށްލާތަން: ފައްޔާޒު 
ޝާމިންގެ ޕާސްޕޯޓް ހިފެހެއްޓުމަށްފަހު، ބަންދުން ދޫކޮށްލައިފި 
ޕީއެންސީ ކޮންގްރެސް: ޕާޓީގެ ނާއިބު ރައީސުން އިންތިހާބުކޮށްފި 
ރިޔާސީ ޕްރައިމަރީގައި ވާދަކުރާނެކަން ޝަމްހީދު އިއުލާންކޮށްފި 
ރާއްޖޭން އެދުނު ގޮތަށް މެލޭޝިއާ އިން 100 މިލިއަން ޑޮލަރުގެ އެހީ ދެނީ 
މެލޭޝިއާގެ ބޮޑުވަޒީރު ރާއްޖޭގައި 
