ސަރުކާރު ހިންގާ މައިޕާޓީ އެމްޑީޕީން ވަކިވެ ދަ ޑިމޮކްރެޓްސްއާ ގުޅުނު ގއ. ވިލނގިލި ބަޔަކު އެޕާޓީން ވެސް ވަކިވެ ޕީޕީއެމްއާ ގުޅިއްޖެއެވެ.

މީގެތެރޭގައި ހިމެނެނީ މި ސަރުކާރުން ދަނޑުވެެރިކަން ކުރިއެރުވުމަށް އުފެއްދި އެގްރޯނެޓުގެ އެމްޑީޕީގެ މަގާމުގައި ހުންނެވި ހާރޫނާ ޓޫރިޒަމް މިނިސްޓްރީގެ ސީނިއާ އެގްޒެކެޓިވް ޑިރެކްޓަރުގެ މަގާމުގައި ހުންނެވި ރިފާތެވެ.

މި ބޭފުޅުންނާއެކު ޕީޕީއެމް އަަށް ގިނަ އަދަދެއްގެ އެހެން ފަރާތްތައް ވެސް ވަނީ ގުޅިފައެވެ.

އެރަށުގައި ވާހަކަދައްކަވަމުން މުއިއްޒު ވަނީ ފުރަތަމަ ބުރުގައި ވެސް ވިލިނގިލިން ދިން ތާއީދު ދެވަނަ ބުރުގައި ވެސް ލިބިގެން ދާނެ ކަމަށް އުއްމީދު ކުރާ ކަމަށް ވިދާޅުވެފައެވެ.