ސަރުކާރުން ތިން ބިލިއަން ރުފިޔާގެ ލޯނެއް އިންޑިއާއިން ނަގާ ވާހަކަ ދޮގުކޮށްފިއެވެ.

އެ ފައިސާ ނެގުމަށް ސަރުކާރުން ހުށަހަޅާފައިވަނީ ޓްރެޝަރީ ބޮންޑު ސްޓޭޓް ބޭންކް އޮފް އިންޑިއާ (އެސްބީއައި)އަށް ވިއްކައިގެން ކަމަށް ބުނެ ރާއްޖޭގެ ނޫހަކުން ވަނީ ރިޕޯޓްކޮށްފައެވެ.

އަދި 194 މިލިއަން އެމެރިކާ ޑޮލަރުގެ ބޮންޑު އެސްބީއައި މެދުވެރިކޮށް ހަމަޖައްސައިދިނުމަށް ސަރުކާރުން އެދިފައިވަނީ ރިޔާސީ އިންތިހާބުގެ ދެވަނަ ބުރުގެ ވޯޓުލުމުގެ ކުރިން ހަރަދުކުރުމަށް ކަމުގައިވާ ކަމަށް އެ ނޫހުން ބުންޏެވެ.

އެ ވާހަކަތައް ދޮގުކޮށް ފިނެނޭސް މިނިސްޓާރު އިބްރާހިމް އަމީރު ކުރެއްވި ޓްވީޓެއްގައި ވިދާޅުވީ އެފަދަ އެއްވެސް މަޝްރޫއުއެއް އެއްވެސް ފަރާތަކާއެކު ކުރިއަށް ނުގެންދާ ކަމަށެވެ.