މުސާރަ ބޮޑު ކުރާނީ ހަމައެކަނި ސަލާމަތީ ބާރުތަކުގެ އެކަނި ނޫން ކަމަށާއި ހުރިހާ ދާއިރާތަކެއްގެ ވެސް މުސާރަތަކަށް ހެޔޮ ބަދަލު ގެންނާނެ ކަމަށް އިދިކޮޅު ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވިދާޅުވެއްޖެއެވެ.
ރޭ މާލޭގެ އާޓްފިޝަލް ބީޗުގައި ބޭއްވި ޖަލްސާގައި މުއިއްޒު ވަނީ ސިފައިންނާއި ފުލުހުންގެ މުސާރަ ދެގުނަ ބޮޑުކުރައްވާނެ ކަމަށް ވައުދުވެވަޑައިގެންފައެވެ. އެކަމުގެ ތަފްސީލް ދެއްވަމުން ހުރިހާ ކަމެއްގައި ސިފައިންނަށް ފުލުހުންނަށް އަޅާލަން ޖެހޭ ކަމަށެވެ. ނަމަވެސް މި ސަރުކާރުން އެ ދެ މުއައްސާސާއާ މެދު އިހާނެތިކޮށް ހިތާފައިވާ ކަމަށެވެ.
ހދ. ނޮޅިވަރަމްފަރުގައި މިރޭ ބޭއްވި ކެމްޕެއިން ޖަލްސާއެއްގައި ވާހަކަދައްކަވަމުން މުއިއްޒު ވިދާޅުވީ މުސާރައިގެ ބަދަލު ގެންނަން ނިންމީ ހަމައެކަނި ފުލުހުންނާއި ސިފައިންގެ މުއައްސަސާ އަށް ނޫން ކަމަށެވެ.
އެގޮތުން ޔުނީފޯމް އެޅި އެހެން މުއައްސަސާތަކާއި ސިވިލް ސާވިސް މުވައްޒަފުންނަށާއި މިނިވަން މުއައްސަސާތަކުގެ މުވައްޒަފުންގެ މުސާރަ ވެސް ބޮޑު ކުރައްވާނެ ކަމަށް މުއިއްޒު ވިދާޅުވިއެވެ.
މުއިއްޒުގެ ވާހަކަފުޅުގައި ފުލުހުންނާއި ސިފައިންގެ މުސާރަ ބޮޑު ކުރައްވާނީ ތިން އަހަރެއްގެ މަތިން ކަމަށް ވިދާޅުވިއެވެ. އެގޮތުން 2024 ވަނަ އަހަރު 35 ޕަސެންޓް މުސާރަ ބޮޑު ކުރާނެ ކަމަށާއި 2025 ވަނަ އަހަރު 25 ޕަސެންޓް ބޮޑު ކުރާނެ ކަމަށާއި އަދި 2028 ވަނަ އަހަރު 30 ޕަސެންޓް ބޮޑު ކުރާނެ ކަމަށް މުއިއްޒު ވިދާޅުވިއެވެ.
ލަމްހާ ދޫކޮށްލި މައްސަލަ ބަލަންޖެހޭ ސަބަބެއް ނެތް: ހައި ކޯޓް 
އިސްލާމީ މަރުކަޒުގެ މަސްފެންގަނޑު މަރާމާތުކޮށް ނިންމާލައިފި 
އަސްކަރީ ގުޅުން އިތުރު ކުރުމަށް ރާއްޖޭން ޕާކިސްތާނާއެކު މަޝްވަރާކޮށްފި 
ޑިމޮކްރަސީގެ "އިރު" އޮއްސިއްޖެ: ޝާހިދު 
ގޮނޑި ގެއްލޭ އިސްލާހަކީ ގައުމުގެ ހަމަޖެހުމަށް މުހިއްމު ކަމެއް: ރައީސް 
ނުރަސްމީ ދަތުރުފުޅެއްގައި ރައީސްގެ ދެކަނބަމުން އިނގިރޭސިވިލާތަށް 
