މި މަހުގެ 30 ވަނަ ދުވަހު ބާއްވާ ރިޔާސީ އިންތިހާބުގެ ދެވަނަ ބުރުގައި ވާދަކުރައްވާ ދެ ކެންޑިޑޭޓުންގެ ކެންޑިޑޭޓް ނަންބަރަކީ ހަމަ ކުރީގެ ވެސް ނަންބަރު ކަމަށް އިލެކްޝަންސް ކޮމިޝަނުންގެ ހާމަކޮށްފިއެވެ.

އިންތިހާބުގެ ފުރަތަމަ ބުރުގައި އަށް ކެނޑިޑޭޓަކު ވާދަކުރިއެވެ. އޭގެ ތެރޭގައި ޕާޓީތަކުން ވާދަކުރި ފަސް ކެނޑިޑޭޓުންނާއި އަމިއްލަ ތިން ގޮތުން ކެންޑިޑޭޓަކު ވާދަކުރެއްވިއެވެ.

އިންތިހާބުގެ ނަތީޖާ ދައްކާ ގޮތުން އިންތިހާބުގައި ވާދަކުރެއްވި އެއްވެސް ކެންޑިޑޭޓަކަށް 50 ޕަސެންޓަށްވުރެ މަތިން ނުލިބިފައެއް ނުވެއެވެ. އެހެންވެ ދެވަނަ ބުރަކަށް އިންތިހާބު ގޮސްފައިވާއިރު ވާދަކުރައްވާނީ އެމްޑީޕީގެ ރިޔާސީ ކެންޑިޑޭޓު އިބްރާހިމް މުހައްމަދު ސޯލިހުއާއި ޕީއެންސީގެ ކެންޑިޑޭޓް ޑރ. މުހައްމަދު މުއިއްޒެވެ.

އިންތިހާބުގައި ބެހެއްޓި 574 ވޯޓު ފޮށި ގުނާ ނިމުނުއިރު މުއިއްޒަށް 101،128 ވޯޓު ލިބިވަޑައިގަތެވެ. އެއީ 46.01 ޕަސެންޓެވެ. ރައީސަށް ލިބިވަޑައިގަތީ 85،989 ވޯޓެވެ. އެއީ 39.12 ވޯޓެވެ.

ދެ ވަނަ ބުރުގައި ރަށްވެހިވެފައިވާ ރަށް ނޫން ތަނެއްގައި ނުވަތަ ފުރަތަމަ ބުރުގައި ވޯޓުލީ ތަން ނޫން އެހެން ތަނެއްގައި ވޯޓުލާން ބޭނުންވާ ފަރާތްތަކުން ރަޖިސްޓްރީވުމުގެ ފުރުސަތު ހުޅުވާލާނެ ކަމަށް އިލެކްޝަންސް ކޮމިޝަނުން ވަނީ ދާދި ފަހުން ބުނެފައެވެ.