އއ. ބޮޑުފުޅަދޫ ބިން ހިއްކާ ނިންމާފައިވާ ކަމަށް އެމްޓީސީސީން ބުނެފިއެވެ.

ބޮޑުފޮޅުދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށީ ޖުލައި މަހުއެވެ.

ސަރުކާރު ބަޖެޓުން ހަރަދުކުރާ 74.12 މިލިއަން ރުފިޔާގެ އެ މަޝްރޫއުގެ ދަށުން، އަށް ހެކްޓަރުގެ ބިން ހިއްކުމާއި، 180 މީޓަރުގެ ސަރަޙައްދެއްގައި ބޭރުތޮށީ ވަނީ ލާފައެވެ. 1052 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 110 މީޓަރުގެ ސަރަޙައްދެއްގައި ގްރޮއިން ޖެހުމުގެ މަސައްކަތްވެސް ހިމެނެއެވެ.

އެމްޓީސީސީން ބުނީ ދިއްގަރު ބިން ހިއްކުމުގެ ނުނިމި އޮތްބައި މިއަދު ހިއްކަން ފަށާނެ ކަމަށެވެ.

އެ މަޝްރޫޢުގެ ދަށުން، 25 ހެކްޓަރުގެ ބިން ހިއްކާނެއެވެ. ބޮޑުހިލައިގެ ރިވެޓްމެންޓް ޖެހުމާއި، ބޭރުތޮށިލުމުގެ މަސައްކަތްވެސް ހިމެނެއެވެ. މިއީ 121.84 މިލިއަން ރުފިޔާގެ މަޝްރޫއެކެވެ.