މަތީ ސާނަވީ ނިންމާ ދަރިވަރުންނަށް އަމާޒުކޮށްގެން އެކި ދާއިރާތަކުގެ މަސައްކަތުގެ ހުނަރާއި ތަމްރީނު ދިނުމަށާއި އެކި ދާއިރާތަކުގެ ތަޖުރިބާ ހުރި ފަރާތްތަކާއެކު މަސައްކަތް ކުރުމުގެ ފުރުސަތު ހޯދައިދިނުމަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން "ބިނާވެހި" ނަމުގައި ހާއްސަ ޕްރޮގްރާމެއް މިއަދު ފަށައިފިއެވެ.

އާރްޑީސީން ބުނީ މިއަދު ފެށިގެން ދިޔައީ އެ ޕްރޮގްރާމުގެ ފުރަތަމަ ބުރު ކަމަށެވެ.

އެ ބުރުގައި 11 ދާއިރާ އަކުން ދަރިވަރުން މަސައްކަތުގެ ހުނަރާއި ތަމްރީނު ފުރިހަމަ ކުރަމުންގެންދާނެ ކަމަށާއި އެ ޕްރޮގްރާމްގެ މުއްދަތަކީ 6 މަސް ދުވަސް ކަމަށް އާރްޑީސީން ބުންޏެވެ.

އާރްޑީސީން ބުނީ އިންޓާންޝިޕްގައި ހަވާލު ކުރެވޭނީ ދަރިވަރަކު އެޕްލައި ކުރާ ދާއިރާއަކާއި ގުޅޭ މަސައްކަތެއް ކަމަށެވެ. އެގޮތުން އެސިސްޓެންޓް އިންވެންޓަރީ އޮފިސަރަކަށް ހުށަހަޅާ ދަރިވަރެއްގެ ޒިންމާއަކަށް ވާނީ އެ ކޯޕަރޭޝަންގެ ސްޓޮކަށް ތަކެތި ރިކުއެސްޓު ކުރުން ކަމަށް އާރްޑީސީން ބުނެއެވެ.

މަސައްކަތަށް ރަނގަޅު މުވައްޒަފުންނަށް ދާއިމީ ވަޒީފާ ލިބުމަކީ ވެސް އެކަށީގެންވާ ކަމެއް ކަމަށް އާރްޑީސީން ބުނެއެވެ.