މާޒީގައި ޕީޕީއެމް/ޕީއެންސީ އިން ކަންކޮށްފައި އޮތް ގޮތުން މިހާރު ދައްކަމުން ގެންދަވާ ވާހަކަތަކާއި ވަމުންދާ ވައުދުތައް ގަބޫލުކުރަން ދަތިކަމަށް ވިދާޅުވެ ރައީސް އިބްރާހިމް މުހައްމަދު ސޯލިހު ޕީއެންސީގެ ރިޔާސީ ކެނޑިޑޭޓް ޑރ މުހައްމަދު މުއިއްޒުއަށް ފާޑުވިދާޅުވެއްޖެއެވެ.

ބ. ގޮއިދޫގައި ބޭއްވި ކެމްޕެނު ބައްދަލުވުމުގައި ދެވަނަ ދައުރަކަށް ކުރިމަތިލައްވާފައިވާ ރައީސް ސޯލިހު ވިދާޅުވީ ޕީޕއެމް/ޕީއެންސީ ގައި ތިއްބެވި ރައްޔިތުންނަށް އާ މޫނުތަކެއް ނޫން ކަމަށެވެ. އެއީ ދެކި ފަރިތަ އަދި ތަޖުރިބާކޮށްފައިވާ ފަރާތްތަކެއް ކަމަށް ރައީސް ވިދާޅުވިއެވެ.

"މިއަދު ނިކުމެވަޑައިގެން ތިމަންނަމެން މިހެންނޭ ކަންކުރާނީ ބުނީމަ ކިހިނެއްތޯ ގަބޫލުކުރާނީ" ކުރީ ސަރުކާރުން ގުޅީފަޅާއި މެދު ކުުރީގެ ހައުސިން މިނިސްޓަރު ޑރ މުއިއްޒު ގެންގުޅުނު ސިޔާސަތައް ފާޑުކިޔުއްވަމުން ރައީސް ވިދާޅުވިއެވެ.

ގުޅީފަޅަކީ 2008 ގައި އުފެދުނު އެމްޑީޕީގެ ފުރަތަމަ ސަރުކާރުގައި ރައްޔިތުންނަށް ބޯހިޔާވަހިކަންހޯދުމަށްޓަކައި ބޭރު ބަޔަކާއި އެކު އެގްރީމެންޓެއް ހަދައިގެން ހިއްކައި ފްލެޓު ދިން ތަނެކެވެ. އެކަމަކު ޕީޕީއެމް ވެރިކަމަށް އައުމަށް ފަހު އޭރުގެ މުއިއްޒު ވިދާޅުވ ގުޅީފަޅަކީ މީހުން އުޅެން ކަމުދާތަނެއް ނޫން ކަމަށެވެ.

"އެތަން މީހުން ބާލާނީއޭ. ފުރުސަތެއް ނުދިން ގަދަކަމުން، އެމީހުން ކޮށްފައި ހުރި މަސައްކަތަށް ބަދަލުވެސް ނުދީ ބާލައި ބޭރުކުރީ، އަދި ބިން ހިއްކަން އެގްރީމެންޓެއް ހަދައިން ކޮންޓްރެކްޓެއް ހަދައި އޮތް އެގްރީމެންޓް ބާތިލްކޮށްލާފައި ކުރި މަސައްކަތަށް ލާރިނުދީ" ނަމަވެސް މިއަދު މުއިއްޒުގެ ރާގު ބަދަލުވެއްޖެ ކަމަށް ވިދާޅުވެ ރައީސް ފާޑުވިދާޅުވިއެވެ.

"މިއަދު ބުނީ ގުޅީފަޅޫން ދީފައި ހުރި ހުރިހާ ގޯއްޗެއްގައި ބޯހިޔާވަހިކަން. ގެ އަޅާދޭނަމޭ" މުއިއްޒު ދައްކަވާމުންގެންދަވާ ވާހަކަ ދެކޮޅު ނުޖެހޭ ކަމަށް ރައީސް ވިދާޅުވިއެވެ.