ފުލުހުންގެ އިކޮނޮމިކް ކްރައިމް ޑިޕާޓްމަންޓުން ބަލަމުންދާ ފޯޖަރީގެ މައްސަލައަކާއި ގުޅިގެން ފިލްމީ ދާއިރާ އަދި ސިޔާސީ އެކްޓިވިސްޓް އަލީ ޝާހިދު (ސްޓެޕް އައްޔަ) ތަހުގީގަށް ހާޒިރުވާން ހޯދަން ފަށައިފިއެވެ.

ފުލުހުން ބުނީ ސްޓެޕް އައްޔަ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނު ކުރާ ކަމަށެވެ.

އޭނާ ހާޒިރުވާން އަންގާފައި ވަނީ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގަށެވެ.

މީގެކުރިން ވެސް ފުލުހުން ވަނީ ސްޓެޕް އައްޔަ ހޯދުމަށް އިއުލާން ކޮށްފައެވެ.