ރައްޔިތުންގެ މަޖިލީހުގެ ކުޅުދުއްފުށީ ދާއިރާގެ މެމްބަރު ޔާސިރު އަބްދުއްލަތީފް އާއި އެ ސިޓީގެ މޭޔަރު އަހުމަދު އާތިފް އަނބުރާ އެމްޑީޕީއަށް ސޮއިކޮށްފިއެވެ.

ޔާސިރާ އާތިފް އަލުން އަނބުރާ އެމްޑީޕީއަށް ގުޅުނުކަން ރަސްމީކޮށް އަދި މިހާތަނަށް ހާމަކޮށްފައެއް ނުވެއެވެ. އަދި އަނބުރާ އެމްޑީޕީއަށް ސޮއިކުރި ސަބަބެއްވެސް އެނގިފައެއް ނުވެއެވެ.

ކުޅުދުއްފުށީ ސިޓީގެ މޭޔަރު އާތިފް އަނބުރާ އެމްޑީޕީ އަށް ސޮއި ކުރެއްވުމަށްފަހު ފޮރިން މިނިސްޓަރު ޝާހިދާ ސަލާމް ކުރައްވަނީ

ޔާސިރަކީ ކުރީގެ ރައީސް މުހައްމަދު ނަޝީދު އިސްވެ ހުންނަވައި އުފެއްދި ދަ ޑިމޮކްރެޓްސް އަށް ސޮއިކުރި މަޖިލީހުގެ މެމްބަރުންގެ ތެރޭގައި ހިމެނިވަޑައިގަންނަވާ މެމްބަރެކެވެ.

އޭނާ އެމްޑީޕީން ވަކިވެވަޑައިގެންނެވީ ސަރުކާރުން ހިންގަމުންދާ ގޮތާއި މެދު ހިތްހަމަ ނުޖެހުން ފާޅުކުރުމަށް ފަހުއެވެ.

އެމްޑީޕިގެ މެޖޯރިޓީ އޮތް ކުޅުދުއްފުށީ ކައުންސިލްގެ ހުރިހާ މެމްބަރުން ދަ ޑިމޮކްރެޓްސް އަށް ސޮއިކުރި މޭމަހުގައެވެ.