އދ. މަހިބަދޫ އާއި ރ. މަޑުއްވަރީގެ މަގުތައް ހެދުމަށް މަގު ހަދާ ކުންފުނި ރޯޑް ޑިވޮލޮޕްމެންޓް ކޯޕަރޭޝަން (އާރްޑީސީ) އާ މިއަދު ހަވާލުކޮށްފިއެވެ.

ޕްލޭނިން މިނިސްޓްރީން ބުނީ 42،765،652.08 (ސާޅިސް ދެ މިލިއަން ހަތް ލައްކަ ފަސްދޮޅަސް ފަސްހާސް ހަ ސަތޭހަ ފަންސާސް ދެ ރުފިޔާ އަށްލާރީ) ގެ މަހިބަދޫ މަގު ހެދުމުގެ މަޝްރޫއު އާރްޑީސީއާ ހަވާލުކުރީ 420 ދުވަހުގެ ތެރޭގައި ނިންމާ ގޮތަށް ކަމަށެވެ.

އަދި މަޑުއްވަރީގެ މަގުތަކުގައި ތާރުއެޅުމުގެ މަސައްކަތް އާރްޑީސީއާ ހަވާލުކޮށްފައިވަނީ 540 ދުވަހުގެ ތެރޭގައި ނިންމާ ގޮތަށެވެ. ޕްލޭނިން އިން ބުނީ އެ މަޝްރޫއުގެ އަގަކީ 82،813،723.77 (އަށްޑިހަ ދެ މިލިއަން އަށްލައްކަ ތޭރަހާސް ހަތްސަތޭކަ ތޭވިސް ރުފިޔާ ހަތްދިހަ ހަތް ލާރި) ކަމަށެވެ.