ޕީީީިޕީއެމް އާއި ދަ ޑިމޮކްރެޓްސްގެ ރިޔާސީ ކެނޑިޑޭޓުންގެ ތަރުޖަމާނުން ހަމަޖައްސައިފިއެވެ.
އިދިކޮޅު ޕީޕީއެމްގެ ފަރާތުން ރިޔާސީ އިންތިހާބުގައި ވާދަކުރައްވާ ޑރ މުހައްމަދު މުއިއްޒުގެ ތަރުޖަމާނަކަށް މުހައްމަދު ތޮލާލް ހަމަޖެއްސިއިރު ދަ ޑިމޮކްރެޓްސްގެ ކެނޑިޑޭޓް އިލްޔާސް ލަބީބްގެ ތަރުޖަމާނަކަށް މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއެވެ.
ތޮލާލް އަކީ ކުރީގެ ރައީސް އަބްދުﷲ ޔާމިންގެވެސް އިންތިހާބު އެޖެންޓެވެ. ޑިމޮކްރެޓްސްގެ ތަރުޖަމާނުގެ ހައިސިއްޔަތުން އިންތި ބާއްވަަ ފުރަތަމަ ޕްރެސްކޮންފަރެންސް އޮންނަަނީ މާދަމާ އެގާރަ ޖަހާއިރުއެވެ.
މި ދެ ޕާޓީންވެސް އިންތިހާބުގެ ކެމްޕޭނު ފޯރީގައި ވަނީ ފަށާފައެވެ. ޕީޕީއެމުން ކެމްޕޭނު ރަސްމީކޮށް ފެށީ އިއްޔެއެވެ. މުއިއްޒު ވަނީ އިއްޔެ ހުޅުމާލޭ ދެވަނަ ފިޔަވަހީގައި ކެމްޕޭނު ކުރައްވާފައެވެ. ރަށްތަކުގައި ކެމްޕޭނު ފަށާނެ ދުވަހެއް ޕީޕީއެމުން ހާމަކޮށްފައި ނުވިނަމަވެސް ޑިމޮކްރެޓުން ދަނީ ރަށްރަށުގައި ކެމްޕޭނު ކުރައްވަމުންނެވެ.
އެންމެ ވާދަވެރި ދެ ޕާޓީ ކަމަށްވާ އެމްޑީޕީ އަދި ޕީޕީއެމުން ބުނަނީ އިންތިހާބު އެއްބުރުން ކާމިޔާބުވާނެ ކަމަށެވެ. މި ރިޔާސީ އިންތިހާބަކީ އެންމެ ގިނަ ކެނޑިޑޭޭޓުން ވާދަކުރާ އިންތިހާބެވެ.
އިންޑިއާ އިން ރާއްޖެއަށް 1200 ގަސް ހަދިޔާކޮށްފި
ރަސްމާލެ މަޝްރޫއު: ރައްޔިތުންގެ ފެންނަ ނުފެންނަ ވޯޓެއް ނުނަގާނެ
ސުޕްރީމް ކޯޓުގެ ފަނޑިޔާރު ކަމަށް ސަމީރު އަދި ރައޫފް ކުރިމަތިލައްވައިފި
ބަޖެޓު 27: އަންނަ އަހަރު އެންމެ ބޮޑު އެހީ ދޭ ގައުމަކީ އިންޑިއާ
ބޯކޮށް ވާރޭ ވެހޭނެ ކަމަށް ލަފާކޮށް ހަ އަތޮޅަކަށް ޔެލޯ އެލާޓު ނެރެފި
ޅައިމަގަށް ނަގޫ ރޯޅިއެއް އަރާ މީހަކަށް އަނިޔާވެއްޖެ