ވެލާނާ އިންޓަނޭޝަނަލް ހިންގާ އެމްއޭސީއެލް އިން އެ ކުންފުނީގެ މުވައްޒަފުންނަށް މިދިޔަ އަހަރުގެ ބޯނަސްގެ ގޮތުގައި 25،000 ރުފިޔާ ދޭން ނިންމައިފިއެވެ.

އެކަން ހާމަކޮށް އެމްއޭސީއެލުން މިއަދު ނެރުނު ބަޔާނެއްގައި ބުނީ ބޯނަސް ދޭން ނިންމާފައިވަނީ މިދިޔަ އަހަރު އެއްކޮށް މަސައްކަތްކޮށް ވަޒީފާ އަދާކޮށްފައިވާ ކޮންމެ މުވައްޒަފަކަށް ކަމަށެވެ.

2022 އަހަރުގެ އަހަރީ ބޯނަސްގެ ގޮތުގައި ކުންފުނީގެ ވަޒީފާގައި އެ އަހަރު ހަ މަސް ދުވަސް (180 ދުވަސް) ނުވަތަ އެއަށްވުރެ ގިނަ ދުވަހު މަސައްކަތް ކޮށްފައިވާ މުވައްޒަފުންނާއި، އެ އަހަރު ވަޒީފާ އިން ވަކިވެފައިވާ މުވައްޒަފުންގެ ތެރެއިން ހަ މަސް ދުވަހަށް (180 ދުވަސް) ނުވަތަ އެއަށްވުރެ ގިނަ ދުވަސްވެފައިވާ މުވައްޒަފުންނަށް ބޯނަސް ފައިސާ ދިނުމަށް ހަމަޖެހިފައިވާ މުވައްޒަފުންނަށް 2022 ވަނަ އަހަރުގެ ބޯނަސް ނުލިބޭނެ ކަމަށް އެމްއޭސީއެލުން ބުންޏެވެ.

ބޯނަސް އަށްވާ ފައިސާ އެންމެ ލަސްވެގެން މި މަހު 13 ގައި މުވައްޒަފުންގެ އެކައުންޓުތަކަށް ޖަމާކުރެވޭނެ ކަމަށްވެސް އެމްއޭސީއެލުން ބުންޏެވެ.