ހއ. އަތޮޅުގެ ދެ ރަށެއްގައި ސަރުކާރުން ކުރިޔަށް ގެންދިޔަ ބައެއް މަޝްރޫއުތައް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އިފްތިތާހް ކޮށްދެއްވައިފިއެވެ.

އެގޮތުން ރައީސް ސޯލިހު މިއަދު ވަނީ ފިއްލަދުއަށް ވަޑައިގެން އެރަށުގައި ފެނާއި ނަރުދަމާ ނިޒާމު ގާއިމުކުރުމުގެ މަޝްރޫއު އިފްތިތާހް ކޮށްދެއްވައިފައެވެ.

ހަމައެއާއެކު ހއ. ބާރަށު ފުޓްސަލް ދަނޑު ރަސްމީ ގޮތުން ރައީސް ވަނީ ހުޅުވައިދެއްވައިފައެވެ.

މުރައިދޫ އަށް ވަޑައިގެން ރައީސް ވަނީ އެރަށުގެ ފުޓުބޯޅަ ދަނޑާއި، ފެނަކަ އައު އިންޖީނުގެއާ އޮފިސް އިމާރާތް ހުޅުއްވައިދެއްވައި، އެރަށުގެ ފެނުގެ ނިޒާމް އިފްތިތާހުކޮށްދެއްވައިފައެވެ.

ރައީސް އޮފީހުން ބުނީ ރާއްޖޭގެ ރައްޔިތުންގެ ދިރިއުޅުމުގެ ފެންވަރު މަތިކުރުމަށާއި، ފަހުރުވެރި، އަބުރުވެރި ދިރިއުޅުމެއް އުޅެވޭނެހެން މަގުފަހިކުރުމަށް ރާއްޖޭގެ ރަށްރަށުގެ ތަރައްގީއަށް ސަރުކާރުން ގިނަ ގުނަ މަސައްކަތްތަކެއް ކުރަމުން އަންނަ ކަމަށެވެ.