އައްޑޫ ސިޓީ ހިތަދޫގައި އަލިފާނުގެ ހާދިސާއެއް ހިނގައިފިއެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ ހިތަދޫގައި އަލިފާނުގެ ހާދިސާއެއް ހިނގާފައިވާކަމުގެ ރިޕޯޓް ފަތިހު 04:14 ހާއިރު ރިޕޯޓްކޮށްފައިވާ ކަމަށެވެ.

އެ ހާދިސާ ގައި 32 އަހަރުގެ ފިރިހެނަކަށް އަނިޔާވެފައިވާ ކަމަށެވެ.

އެމްއެންޑީއެފް ބުނެފައިވާ ގޮތުން ރޯވީ ހިތަދޫ "ކުޅިބަލާބޭ" ގޭގައެވެ. އަލިފާންގަނޑު ނިއްވާލެވިފައި ވަނީ ފަތިހު 05:45 ހާއިރު ކަމަށް ވެސް އެމްއެންޑީއެފް އިން ބުންޏެވެ.

އެމްއެންޑީއެފް ބުނީ ހާދިސާ ހިނގި ވަގުތު އެ ގޭގައި އުޅުނު ފިރިހެނެއްގެ އަތާއި ފައި ކޮންމެވެސް ވަރަކަށް ފިހިފައިވާ ކަމަށެވެ.