އިއްޔެ ޖުމްހޫރީ މައިދާނުގައި ޕީޕީއެމްގެ ލީޑާޝިޕްގެ ބޭފުޅުން އިހްތިޖާޖު ކުރުމަށް ތިބި ތަން ކަވަރު ކުރުމުގައި ހަރަކާތްތެރިވި ނޫސްވެރިޔަކާއި ވީޑިއޯގްރާފަރެއް ފުލުހުން ކޮށްޕާލި މައްސަލަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ކުށްވެެރިކޮށްފިއެވެ.

އެޗްއާރްސީއެމް އިން މިއަދު ކޮށްފައިވާ ޓްވީޓެއްގައި ބުނީ ޖުމްހޫރީ މައިދާނުގައި ހަރަކާތްތެރިވަމުންދިޔަ ނޫސްވެރިންނާމެދު ދިވެހި ފުލުހުން އަމަލުކޮށްފައިވާ ގޮތް އެ ކޮމިޝަނުން ކުށްވެރިކޮށް، އެ މައްސަލަ ތަހުގީގުކުރުމަށް ކަމާބެހޭ އިދާރާތަކަށް ގޮވާލާ ކަމަށެވެ.

“މިނިވަން ނޫސްވެރިކަމަށް ޖާގަ ދިނުމަށް އެންމެހާ ފަރާތްތަކަށް އިލްތިމާސް ކުރަމެވެ” އެޗްއާރްސީއެމް އިން ބުންޏެވެ.

https://twitter.com/hrcmv/status/1682303598636716033?s=46&t=M9M5hUKhSMLW6TzFVtCYOQ

އެޗްއާރްސީއެމް އިން އެގޮތަށް ބުނިއިރު އެ ދެ ނޫސްވެރިން ކޮށްޕާލި އެސްއޯ ފުލުސް މީހާ ސަސްޕެންޑުކޮށް މައްސަލަ ބެލުމަށް ކޮމިޝަނަރު އޮފް ޕޮލިސް މުހައްމަދު ހަމީދު ވަނީ އަންގަވައިފައެވެ.