މ.ކޮޅުފުށީގައި މޫދަށް ގެނބިގެން އުމުރުން އެއް އަހަރުގެ ކުއްޖަކު މަރުވެއްޖެއެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ، ކޮޅުފުށީ ސިއްހީ މަރުކަޒަށް ގެންދިޔަ އިރުވެސް އެއް އަހަރުގެ ފިރިހެން ކުއްޖަކު މަރުވި މައްސަލައެއް ފުލުހަށް މިއަދު 11:38 ހާއިރު ހުށަހެޅިފައިވާ ކަމަށެވެ.

އެ ކުއްޖާއަކީ ގެއްލިގެން ހޯދަމުން ދަނިކޮށް މޫދުން ފެނިގެން ސިއްހީ މަރުކަޒަށް ގެންދިޔަ ކުއްޖެއް ކަމަށް ފުލުހުން ބުންޏެވެ.

އެ ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.