މިއަހަރުގެ ރަމަޟާން މަހަށް ހާއްސަކޮށްގެން ސަރުކާރުގެ މައި ވިޔަފާރި ކުންފުނި އެސްޓީއޯ އިން ކުރިޔަށް ގެންދިޔަ "ރަމަޟާން ބާޒާރު" ޕްރޮމޯޝަންގެ ނަސީބުވެރިން ހޮވައިފިއެވެ.

މި އަހަރުގެ ޕްރޮމޯޝަނުގެ ބޮޑު އިނާމެއްގެ ގޮތުގައި ހުށަހަޅާފައިވާ ދެ މީހަކަށް ލިބޭ އުމްރާ ދަތުރު ލިބިފައިވަނީ އަބްދުއްރަހްމާން އަބްދުލް ގާދިރު ނަމަކަށް ކިޔާ މީހަކަށެވެ. ގްރޭންޑު އިނާމުގެ އިތުރުން އިތުރު ތިން ނަސީބވެރިއަކަށްވެސް އަގުހުރި އިނާމުތަކެއް އެ ޕްރޮމޯޝަންގައި ދީފައިވެއެވެ.

އެ ތިން ކަސްޓަމަރުންނަށް ލިބިފައި ވަނީ އެސްޓީއޯ ޕީޕަލްސް ޗޮއިސް އިން މުދާ ނެގުމަށް ހަތަރުހާސް ރުފިޔާގެ ވޮއުޗަރެކެވެ.

އެސްޓީއޯ "ރަމަޟާން ބާޒާރު" ކުރިއަށް ގެންގޮސްފައިވަނީ 22 ޖެނުއަރީ އިން ފެށިގެން އޭޕްރިލް މަހުގެ 29ގެ ނިޔަލަށެވެ.