ތިލަމާލެ ބްރިޖުގެ ޕްރީކާސްޓް ސެގްމަންޓުތަކަކީ މިހާތަނަށް ދުނިޔޭގައި ހަދާ ޕްރީކާސްޓް ސެގްމަންޓުތައް ކަމަށް ރާއްޖޭގައި ހުންނަ އިންޑިއާ ހައި ކޮމިޝަނުން ބުނެފިއެވެ.

އިންޑިއާ ހައި ކޮމިޝަނުން ކޮށްފައިވާ ޓްވީޓެއްގައި މިއަދު ބުނީ ތިލަމާލެ ބްރިޖުގެ ޕްރީކާސްޓް ސެގްމަންޓުގެ އުސް މިނުގައި 8.177 މީޓަރު ހުންނަ ކަމަށެވެ.

ބްރިޖުގައި ހުންނަ ބައިތައް އެހެން ތަނެއްގައި ގާއިމްކޮށްގެން ބްރިޖުގައި ގުޅުވުމަކީ ޕްރީކާސްޓު ކުރުމެވެ.

ސިނަމާލެ ބްރިޖުގައި އެކަން ކޮށްފައި ވަނީ ޗައިނާގައި ބްރިޖުގެ ބައިތައް ހަދައިގެންނެވެ. ނަމަވެސް ތިލަމާލެ ބްރިޖުގައި އެ މަސައްކަތް ކުރަނީ، ގުޅީފަޅުގައި ގާއިމް ކޮށްފައިވާ ބްރިޖު ސައިޓުގައެވެ.

ހައި ކޮމިޝަނުން ކޮށްފައިވާ ޓްވީޓުގައި ވަނީ ބްރިޖުގެ ބައެއް ބައިތަކުގެ ފޮޓޯ އާއްމު ކޮށްފައެވެ.

https://twitter.com/hcimaldives/status/1677550877660581888?s=46&t=M9M5hUKhSMLW6TzFVtCYOQ

ހައެއް ޕޮއިންޓު ހަތަރެއް ހަތެއް ކިލޯ މީޓަރު ދިގު ބްރިޖް އަދި ކޯސްވޭ އިން މާލެ އާއި ވިލިނގިލި ،ތިލަފުށި އަދި ގުޅީފަޅު ގުޅާނާލެއެވެ. 100 މިލިއަން ޑޮލަރުގެ ގްރާންޓް އަދި 400 މިލިޔަން ޑޮލަރުގެ ލައިން އޮފް ކްރެޑިޓްގެ ދަށުން ހިންގާ މި ޕްރޮޗެކްޓް އަކީ ރާއްޖޭގައި މިހާތަނަށް ކުރިއަށް ގެންދާ އެންމެ ބޮޑު އިންފްރާސްޓްރަކްޗާ ޕްރޮޗެކްޓު ކަމަށް ސަރުކާރުން ވަނީ މީގެކުރިން ހާމަކޮށްފައެވެ.

ހައެއް ޕޮއިންޓު ހަތެއް ކިލޯ މީޓަރު ދިގު މި ބްރިޖް/ކޯސްވޭ ލިންކްގެ ދެރަށް ދޭތެރޭ ކަނޑުގައި އަޅާ މައި ބްރިޖްތަކުގައި 140 ކިލޯ މީޓަރު ހުންނާނެއެވެ. އަދި ފުންފަޅުތަކުގައި 1.45 ކިލޯ މީޓަރަށް މެރިން ވިއާޑަކްޓް، އަދި މޫދު/ގޮނޑުދޮށުގައި 2.32 ކިލޯ މީޓަރު މެރިން ވިއާޑަކްޓް، އަދި ބިމާ އެއްހަމައެއްގައި 2.96 ކިލޯ މީޓަރުގެ މަގުހިމެނެއެވެ.

މާލެ އަދި ވިލިނގިއްޔާއި ބްރިޖް ގުޅޭ ހިސާބުގައި ޓްރެފިކްލައިޓު ޖަރުކުރެވިފައި ހުންނާނެއެވެ. އަދި ގުޅީފަޅު އަދި ތިލަފުށި ބްރިޖް ގައި ހުންނާނީ ވައްބުރު ޖަންކްޝަނެކެވެ. ކޮންމެ ރަށެއްގައި ވެސް ރަށުތެރެއަށް ގުޅާލެވިފައިވާ ބަސް ސްޓޭޝަންތައް ހުންނާނެއެވެ. އަދި ސޯލާ ޕެނަލް ހަރުކޮށް ބޮކިތަށް ސޯލާ ޕަވާއިން ދިއްލޭ ނިޒާމް ހަަމަޖެހޭނެއެވެ.