ގުޅީފަޅު ހިއްކުމުގެ ދެވަނަ ފިޔަވަހީގެ މަސައްކަތް ރައީސް އިބްރާހިމް މުހައްމަދު ސާލިހު މިއަދު ފައްޓަވަން ނިންމަވައިފިއެވެ.
ޕްލޭނިން މިނިސްޓްރީގެ ޕްރޮޖެކްޓް މެނޭޖަރު މުހައްމަދު ޖިނާން ސައީދު "ހަތާވީސް" އަށް ވިދާޅުވީ އެ މަސައްކަތް ރަސްމީކޮށް ފައްޓަވައިދެއްވާނީ ރައީސް އިބްރާހިމް މުހައްމަދު ސޯލިހު ކަމަށެވެ.
ގުޅީފަޅުގެ ދެ ވަނަ ފިޔަވަހި ހިއްކުން ހަވާލުކޮށްފައިވަނީ ނެދަލޭންޑްސްގެ ބޮސްކާލިސް ކުންފުންޏާއެވެ. ދެ ބިލިއަނަށްވުރެ ގިނަ ރުފިޔާގެ އެ މަޝްރޫއު ބޮސްކާލިސްއާ ހަވާލުކުރީ މި އަހަރުގެ ޖެނުއަރީ މަހުއެވެ.
ސަރުކާރުން ބުނެފައިވާ ގޮތުން ގުޅީފަޅުގެ ދެވަނަ ފިޔަވަހި ހާއްސަކުރަނީ ސަރަހައްދީ ބަނދަރަކަށެވެ.
ދެހާސްދިހަ ވަނަ އަހަރު ގުޅީފަޅުގެ ފުރަތަމަ ފިޔަވަހިވެސް ހިއްކީ ބޮސްކާލިސް އިންނެވެ. އެކުންފުނިން ވަނީ 2019 ވަނަ އަހަރު ގުޅީފަޅުގެ ގޮނޑުދޮށް ހިމާޔަތްކުރުމާއި ގުޅޭ މަސައްކަތްތައް ކުރިއަށް ގެންގޮސްފައެވެ.
ގްރޭޓާ މާލެ ކަނެކްޓިވިޓީ ބްރިޖު ގުޅީފަޅާ ގުޅުވާލުމަށް ނިންމާފައިވާ ސަރަޙައްދުވެސް ބޮސްކާލިސް އިން ހިއްކާފައިވެއެވެ.
ޕްލޭނިން މިނިސްޓްރީން ބުނެފައިވާ ގޮތުން ގުޅީފަޅު ދެވަނަ ފިޔަވަހި ހިއްކުމަށް 18 މިލިއަން ކިއުބިކް މީޓަރުގެ ވެލި ފަޅަށް އަޅާނެއެވެ. ހިއްކާ ސަރަޙައްދު ވަށައިގެން ބޮޑުހިލައިގެ ރިވެޓްމަންޓްވެސް ޖަހާނެއެވެ.
އިސްކުރަނީ ރަނގަޅު ކަންކަން ކުރަން: ރައީސް 
ގެއެއްގެ ވައިގޮޅިއަކަށް ވެއްޓުނު ބިދޭސީ މީހަކު މަރުވެއްޖެ 
ހުއްދަ ނެތި ސިނގަރޭޓު ވިއްކާނަމަ އެންގުމަށް އެދިއްޖެ 
ރައީސް މުއިއްޒު ފުވައްމުލަކާއި އައްޑޫއަށް 
"ހިތްފަސޭހަ، ސާފު ތަނެއްގެ ގޮތުގައި މާލެ ބޭއްވުމުގެ ޒިންމާ ބޮޑު" 
ޝަރަފުގެ އައްޑަނައިގެ ހައްގުވެރިންނަކީ ދިވެހި ރައްޔިތުން: މައުމޫން 
