އިންޑިއާ-ޕާކިސްތާން މެޗުގައި ހަމަނުޖެހުން ހިންގަައި، އިންޑިއާ ކޯޗަށް ރަތް ކާޑު ދައްކައިފިއެވެ.

ޒަމާންވީ ވާދަވެރި ދެ ގައުމު ކުރިމަތިލި ފުރަތަމަ މެޗުގެ، ފުރަތަމަ ހާފުގައި އިންޑިއާއިން ވަނީ 2 ލަނޑުޖަހާފައެވެ. ޕާކިސްތާނަށް އަދި ލަނޑެއް ނުޖެހެއެވެ.

މެޗުގައި ހަމަނުޖެހުން ހިނގަން މެދުވެރިވި ސަބަބަކީ އިންޑިއާގެ އަތުން ބޭރުވި ބޯޅައެއް ޕާކިސްތާން ކުޅުންތެރިޔާ އަވަސް އެއްލަން އުޅުމުގެ ތެރޭގައި އެ އެއްލުމަށް އިންޑިއާގެ ކޯޗު އީގޯރ ސްޓިމަކް ހުރަސް އެޅުމާ ގުޅިގެންނެވެ.

[caption id="attachment_53433" align="alignnone" width="1600"] އިންޑިއާ ޕާކިސްތާނު މެޗުގެ ފުރަތަމަ ހާފުގައި ހިނގި ހަމަނުޖެހުމުގެ ތެރެއިން—- ފޮޓޯ: މުހައްމަދު އަފްރާހު | ހަތާވީސް[/caption]

މި ހަމަނުޖެހުންގަނޑު ތެރޭ ދެ ޓީމުގެ ކުޅުންތެރިންނާއި އޮފިޝަލުންވެސް ބައިވެރިވި އިރު، އިންޑިއާގެ ކޯޗު ސްޓިމަކްއަށް ވަނީ ރަތްކާޑު ދައްކައިފައެވެ. އަދި ޕާކިސްތާނުގެ އެސިސްޓަންޓް ކޯޗު ޓޯރބަން ފިލިޕްއަށް ވެސް ވަނީ ރީންދޫ ކާޑު ދައްކައިފައެވެ.

[caption id="attachment_53436" align="alignnone" width="1600"] އިންޑިއާ-ޕާކިސްތާން މެޗު ބެލުމަށް ދަނޑަށް ވަދެ ތިބި އިންޑިއާ ސަޕޯޓަރުން— ފޮޓޯ: މުހައްމަދު އަފްރާހު | ހަތާވީސް[/caption]

މި މެޗުގެ ކުރިން އިންޑިއާގެ އެކި ހިސާބުތަކުގައި ވެެސް ވަނީ “އެންމެ ބޮޑު ރައިވަލްރީ” ގެ ގޮތުގައި މި މެޗު އިސްތިހާރު ކޮށްފައެވެ. އަދި އިންޑިއާ ޓީމަށް ސަޕޯޓުދޭން މުޅި ދަނޑުވަނީ ސަޕޯޓަރުން ވަދެ ފުރާލައިފައެވެ.