ހެންވޭރު ގެއެއްގައި ތިން މީހަކު ރަހީނުކުރި މައްސަލައެއްގައި ހައްޔަރުކުރި އެކަކުގެ ބަންދުގެ މުއްދަތު ޖަހައިފިއެވެ.

ރަހީނުކޮށްފައި ތިބި ތިން ދިވެހިން ފުލުހުން ބާރުގެ ބޭނުންކޮށްގެން ސަލާމަތްކޮށްފައިވަނީ އިއްޔެއެވެ.

އެ މައްސަލާގައި ދިވެހި ފިރިހެނަކާއި 18 އަހަރުން ދަށުގެ ފިރިހެން ކުއްޖަކު ހައްޔަރުކޮށްފައިވާއިރު ފުލުހުން ބުނީ ފިރިހެން މީހާގެ ބަންދަށް 15 ދުވަސް ކްރިމިނަލް ކޯޓުން ދީފައިވާ ކަމަށެވެ. އަދި 18 އަހަރުން ދަށުގެ ކުއްޖާ އޭނާގެ އާއިލާއާ ހަވާލުކޮށްފައިވާ ކަމަށެވެ.

ފުލުހުން ބުނީ އެ މީހުން ރަހީނުކޮށްފައި ތިބި ތަނަށް ބާރުގެ ބޭނުންކޮށްގެން ވަދެ، އެ މީހުން ސަލާމަތްކުރިއިރު، އެ މީހުންނަށް އެކިވަރުގެ އަނިޔާކޮށްފައިވާ ކަމަށެވެ. އެ ކަމެއް ހިނގައިގެން އުޅެނީ ހެންވޭރު އަބަދަށް އުފާ މަގުގައި ހުންނަ ގެއެއްގައެވެ.