ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު އިސްވެ ހުންނަވައިގެން އުފައްދާ ޕާޓީ “ދަ ޑިމޮކްރެޓްސް” ގެ ހަރުގެ އަށް ކަޅުތެޔޮ ޖަހައިފިއެވެ.

އެ ހަރުގެ އާއި ހަރުގޭގައި އެވަގުތު ތިބި ބައެއް މީހުންގެ ގަޔަށްވެސް ކަޅުތެޔޮ ވަނީ ބުރައިފައެވެ. އެގޮތުން ކަޅުތެޔޮ ބުރި މީހުންގެ ތެރޭގައި، ވިލިފުށި ދާއިރާގެ މެންބަރު ހަސަން އަފީފު ހިމެނެއެވެ.

ބައެއް މީޑިއާތަކުން ރިޕޯޓު ކޮށްފައި ވަނީ، ކަޅުތެޔޮ ޖަހާފައި ވަނީ އެ ސަރަހައްދުން ސައިކަލެއްގައި ދިޔަ ދެ މީހެއް ކަމަށެވެ.

މި މައްސަލައާ ގުޅޭ ގޮތުން ފުލުހުން އަދި ވަކި އެއްޗެއް ބުނެފައެއް ނުވެއެވެ.