އެންމެ ބޮޑު ބިން ހިއްކުމުގެ މަޝްރޫއު، އައްޑޫގައި ރައީސް ފައްޓަވައި ދެއްވައިފި

އައްޑޫ ބިން ހިއްކުމުގެ ބިޔަ މަޝްރޫއު ރައީސް އިބްރާހިމް މުހައްމަދު ސޯލިހު މިއަދު ފައްޓަވައިދެއްވައިފިއެވެ.

އައްޑޫ ބިން ހިއްކުމުގެ މަޝްރޫއު، ރައީސް ފައްޓަވައިދެއްވީ އައްޑޫ މަރަދޫގައި ހިއްކަން ފަށާފައިވާ ސަރަހައްދުގައި އެކަމަށް ހާއްސަކޮށްގެން މިއަދު ހަވީރު ބޭއްވި ރަސްމިއްޔާތެއްގައެވެ.
އިންޑިއާގެ އެގްޒިމް ބޭންކްގެ 800 މިލިއަން ޑޮލަރުގެ ކްރެޑިޓް ލައިންގެ އެހީގައި ހިންގާ 34 މަޝްރޫއުގައި ދަށުން 194.3 ހެކްޓަރުގެ ބިން ހިއްކަން ވަނީ ނިންމާފައެވެ.

[caption id="attachment_52458" align="alignnone" width="1024"] އައްޑޫ ބިން ހިއްކުމުގެ މަޝްރޫއު ރައީސް ފައްޓަވައިދެއްވަނީ[/caption]

އެ މަޝްރޫއުގެ ދަށުން އައްޑޫ ސިޓީގެ ފޭދޫ ފިޔަވާ އައްޑޫގެ އެހެން އަވަށްތައް އެކުލެވޭ ގޮތް ޖުމްލަ 194.3 ހެކްޓަރިގެ ބިން ހިއްކާނެއެވެ. އެ މަޝްރޫއު އަށް ޖުމްލަ 1.3 ބިލިއަން ރުފިޔާ ހޭދަވާނެއެވެ.
މަޝްރޫއުގެ ދަށުން 11 ކިލޯމީޓަރު ސަރަހައްދެއްގައި ގޮނޑުދޮށް ހިމާޔަތްކުރާނެއެވެ. ހިތަދޫން 90 ހެކްޓަރުގެ ބިން ހިއްކުމާއި ހުޅުމީދޫން 23.3 ހެކްޓަރުގެ ބިން ހިއްކާއި އެ ރަށުގެ ފަޅު ތެރެއިން ޓޫރިޒަމްގެ ބޭނުމަށް ފަސް ހެކްޓަރުގެ ދެ ރަށް ހިއްކުމަށް ވަނީ ނިންމާފައެވެ.
އައްޑޫގެ ބިން ހިއްކުން ނެދަލޭންޑްސްގެ ކުންފުންޏެއް ކަމަށްވާ ވެން އޫޑް ޑްރެޖިންއާ ހަވާލު ކޮށްފައިވަނި މިދިޔަ މާޗު މަހުގެ 27ވަނަ ދުވަހުއެވެ. އެ މަސައްކަތް 18 މަސް ދުވަހުގެ ތެރޭގައި ނިންމާލަން ޖެހެއެވެ. އެ މަސައްކަތުގެ ދަށުން ބިން ހިމާޔަތް ކުރުމުގެ މަސައްކަތް ވެސް ކުރިޔަށް ދާނެއެވެ.