ބިން ހިއްކުމުގެ މަޝްރޫއު އާއި އެއާޕޯޓު މަޝްރޫއު ފައްޓަވައި ދެއްވުމަށް ރައީސް އިބްރާހީމް މުހައްމަދު ސޯލިހު އައްޑޫ ސިޓީ އަށް މިއަދު ފުރާވަޑައިގެންފިއެވެ.

ރައީސް އޮފީހުގެ ތަރުޖަމާން މިއުވާން މުހައްމަދު ވިދާޅުވީ މިއީ މިއަދުން ފެށިގެން ތިން ދުވަހުގެ މުއްދަތަކަށް ކުރައްވާ ދަތުރުފުޅެއް ކަމަށެވެ.

މި ދަތުރުފުޅުގައި އައްޑޫ ސިޓީގެ ހުރިހާ ރަށަކަށް ރައީސް ސޯލިހް ވަޑައިގަންނަވާނެއެވެ.

އެމަނިކުފާނާއެކު މި ދަތުރުފުޅުގައި އިކޮނޮމިކް މިނިސްޓަރު ފައްޔާޒު އިސްމާއީލާއި އެމްޑީޕީގެ އިސްވެރިންގެ އިތުރުން އައްޑޫ ސިޓީ އަށް ނިސްބަތްވާ މަޖިލީހުގެ މެންބަރުން އަދި ސަރުކާރުގެ އިސްވެރިން ބައިވެރިވެވަޑައިގަންނަވައެވެ.