ގެއްލިގެން ހޯދަމުން ދިޔަ ދެމައިން ފެނިއްޖެ

ހުޅުމާލެ އިން ގެއްލިގެން ހޯދަމުން ދިޔަ އަންހެނަކާއި އޭނާގެ ދަރިފުޅު ފެނިފައިވާ ކަމަށް ފުލުހުން ބުނެފިއެވެ.

ފުލުހުން މިއަދު ބުނީ ހއ. އިހަވަންދޫ ނަސްރީނުގެ،އާއިޝަތު އިހުސާނާ ނަމަކަށް ކިޔާ އުމުރުން 32 އަހަރުގެ އަންހެނަކު ހަބަރެއްނުވެ އާއިލާއަށް ގެއްލިފައިވާ ކަމަށް މިމަހުގެ 29 ވަނަ ދުވަހު ރިޕޯޓުކޮށްފައިވާ ކަމަށެވެ. އެހެންކަމުން އޭނާ ހޯދުމުގެ މަސައްކަތް ކުރަމުން އަންނަ ކަމަށް ބުންޏެވެ.

ފުލުހުން ބުނީ އޭނާ އެންމެ ފަހުން ފެނިފައިވަނީ މިމަހުގެ 29ވަނަ ދުވަހުގެ ހެނދުނު، އޭނާ ދިރިއުޅޭ ހުޅުމާލެ، ހިޔާ 06-4-15 އިން ކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވާ ކަމަށެވެ.

އާއިޝަތު އިހުސާނާ ގެއްލިފައިވަނީ އޭނާގެ، ދެ އަހަރުގެ އަންހެން ދަރިފުޅާއެކުގައި ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށްވެސް ފުލުހުން ބުންޏެވެ.

ފުލުހުން ބުނީ އައިޝަތު އިހްސާނާ އޭނާގެ އާއިލާއަށް މިހާރު ގުޅާފައިވާ ކަމަށާއި އޭނާއާއި ދަރިފުޅުގެ ހާލުވެސް ރަނގަޅު ކަމަށް އާއިލާ އިން މައުލޫމާތު ދީފައިވާ ކަމަށެވެ.