ފ. އަތޮޅުގެ ހުރިހާ ރަށަކަށް ކުރައްވާ ދަތުރުފުޅުގައި ރައީސް އިބްރާހީމް މުހައްމަދު ސޯލިހް ފުރާވަޑައިގެންފިއެވެ.
ދެ ދުަވަހުގެ މުއްދަތަކަށް ކުރައްވާ މި ދަތުރުފުޅުގައި ފ. އަތޮޅުގައި ސަރުކާރުން ހިންގަމުން ގެންދާ މަޝްރޫއުތައް ރައީސް އިފްތިތާހް ކޮށްދެއްވާނެއެވެ.
ރައީސް އޮފީހުން ބުނީ ރައީސްގެ މި ދަތުރުފުޅުގައި އެންމެ ފުރަތަމަ މަންޒިލެއްގެ ގޮތުގައި ވަޑައިގަންނަވާނީ ފ. ނިލަންދޫ އަށް ކަމަށެވެ.
ރަށްރަށަށް ކުރައްވާ އެހެން ދަތުރުތަކެކޭ ވެސް އެއްގޮތަށް މި ދަތުރުފުޅުގައި ވެސް ކައުންސިލްތަކާއި އަންހެނުންގެ ތަރައްގީ އަށް މަސައްކަތް ކުރާ ކޮމެޓީތަކާއި ސަރުކާރުގެ ބައެއް އިދާރަތަކުގެބޭފުޅުންނާއި ބައްދަލުކޮށް މަޝްވަރާ ކުރެއްވުން ވެސް އޮންނާނެއެވެ.