ފެމެލީ ކޯޓުގެ ގާޒީކަމުގެ މަގާމަށް ކުރިމަތިލާން ޖުޑީޝަލް ސާވިސް ކޮމިޝަން (ޖޭއެސްސީ) އިން ކޮށްފައިވާ އިއުލާނަށް ބޮޑު ތަރުހީބެއް ލިބިއްޖެއެވެ.

އެ ކޮމިޝަނުން މިއަދު ވަނީ އެ މަގާމަށް ކުރިމަތިލާފައިވާ ފަރާތްތަކުގެ ވަނަވަރު އާއްމު ކޮށްފައެވެ. އެގޮތުން އެ މަގާމަށް ޖުމްލަ 25 ބޭފުޅަކު ވަނީ ކުރިމަތިލައިފައެވެ.

ފެމެލީ ކޯޓުގެ ގާޒީ އަކަށް މުސާރަ އާއި ލިވިން އެލަވަންސް އަދި ރިސްކު އެލަވަންސާއެކު ޖުމްލަ 46,375 ރުފިޔާ ލިބިގެން ދާނެ ކަމަށް ޖޭއެސްސީގެ އިއުލާނުގައިވެއެވެ.

އަދި ރައްޔިތުން މަޖިލީހުގެ އިދާރާ އިން ކަނޑައަޅާ ގޮތެއްގެ މަތީން ފޯނު އެލަވަންސާއި މެޑިކަލް އެލަވަންސް ވެސް ލިބިގެން ދާނެއެވެ.